• USD 389.52
  • EUR 429.21
  • RUB 6.07
  • CNY 54.94
16 Qazan, 02:07:23
Saılaý qarsańynda "joǵalyp ketken" akter Shrı-Lankadan sálem joldady (vıdeo)

02 Qazan, 2019 Aımaqtar

Jastar jylyna arnalǵan jarqyn joba

Jambyl oblysy Qazaqstan halqy Assambleıasynyń «Jańǵyrý joly» jastar qozǵalysynyń «Jastar jylyna» arnalǵan is-sharalar josparyna sáıkes oblystyń «Jańǵyrý joly» jastary respýblıkalyq «Eltaný» týrıstik-ólketaný ekspedısııasy aıasynda Túrkistan oblysynyń tarıhtan syr sherter kóne jerlerine ekskýrsııa uıymdastyryldy, dep jazady Qamshy.kz aqparat agenttigi. Sharaǵa oblystyq Assambleıanyń belsendi jastary, Jambyl oblysy ákimi apparatynyń «Qoǵamdyq kelisim» kommýnaldyq memlekettik mekemesi, «Jańǵyrý joly» jastar qozǵalysynyń óńirlik shtabynyń músheleri, az qamtylǵan otbasynan shyqqan mektep jáne kásiptik-tehnıkalyq oqý oryndarynyń oqýshylary men bilimgerleri, ata-anasynyń qamqorlyǵynsyz qalǵan balalar bar, barlyǵy 50 adam qamtyldy.

Ekskýrsııanyń basty maqsaty – Qazaqstandaǵy jastar jyly aıasynda Túrkistan, Jambyl oblystarynyń belsendi jastaryn Qazaqstan prezıdenti Joldaýy júktegen mindetterge jumyldyrý, qoǵamdyq kelisim men jalpyulttyq birlikke negizdelgen qazaqstandyq patrıotızm qundylyqtaryn ilgerletý bolyp tabylady. Sondaı-aq, óskeleń urpaqty elimizdegi ishki týrızmdi qalyptastyrý, ólke tarıhymen jáne onyń geografııasymen tanystyrý.

Kóne Taraz shaharynan ejelgi Túrkistanǵa bet alǵan jastardyń kerýeni jol boıynda elimizdiń ońtústik astanasy sanalatyn shyraıly Shymkent qalasyna toqtap, jergilikti assambleıanyń jastarymen júzdesti.

Kezdesý basynda sóz sóılegen Jambyl oblysy ákimi apparatynyń «Qoǵamdyq kelisim» KMM basshysy Rano Mahsýdqyzy jergilikti assambleıa qyzmetkerelerine alǵysyn aıtyp, jastarǵa jalyndy sózderin arnady. Sondaı-aq ekskýrsııanyń aldaǵy baǵyt-baǵdarlarymen tanystyryp, jastarmen birge atqarylyp jatqan jumystyń júıesine toqtaldy. Kezdesý barysynda eki jaqtyń jyl boıy atqarylǵan jumystarynyń qorytyndysy, Joldaýǵa qoldaý bildirgen jastar, Abaı Qunanbaıulynyń 175 jyldyǵyna arnalǵan chellendjdiń jalǵasýy týraly oılar men pikirlerin ortaǵa saldy. Sondaı-aq, atalmysh chellenjdi ary qaraı damytý maqsatynda Shymkent qalasynyń jastary jambyldyq jastarǵa estafeta joldady. Jastar odan ári shyraıly Shymqalanyń qalanyń «kórse kóz toımas» jerlerin aralap, estelik-fotosessııa uıymdastyrdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir