Medeý aýdanynda azamattar ótinishterimen jumys qalaı jasalýda?

Medeý aýdanynyń ákimi Sultanbek Mákejanov Almaty ákimdiginiń baspasóz ortalyǵynda ótken brıfıngte Almaty ákimi B. Saǵyntaevtyń turǵyndarymen kezdesý kezinde túsken ótinishtermen aýdanda jumystyń qalaı jasalyp jatqanyn aıtyp berdi, dep jazady almaty.gov.kz saıty.

Jalpy kezdesý barysynda 79 suraq qoıyldy, olardyń. 10-y sheshildi, 24-i túsindirildi, 45-i jumys ústinde.

Aýdan ákimi Ibragımov kóshesiniń abattandyrylǵanyn, Alataý yqshamaýdanynda balalar alańy men «Ardagerler» alleıasynyń ashylǵanyn, ÚAK boıyndaǵy Alataý yqshamaýdanynyń kire berisine baǵdarshamnyń ornatylǵanyn aıtty.

«Kókbazar» mańynda stıhııaly saýdany joıý úshin (Maqataev kóshesi boıyndaǵy «Túrkistan» SÚ-niń aldyna, «Kókbazardyń» aldyna) polısııanyń 2 kúzet pýnkti qoıyldy. Monıtorıng boıynsha vedomstvoaralyq jumysshy toby quryldy.

Áleýmettik jaýapkershilik aıasynda Taýly qyrat yqsham aýdanyndaǵy Taımanov kóshesine fýtbol jáne vorkaýt alańdaryn jasaý boıynsha jumystar júrgizildi.

Almaty qalasy ákiminiń tapsyrmasy boıynsha Gornaıa kóshesindegi úıler tekserildi, mundaǵy 35 úıde 165 adam turady. Tekserý barysynda 18 úıdiń (turǵyndar sany 50 adamǵa jýyq) topyraq kóshkinine urynýy múmkin ekeni anyqtaldy. Shyǵys betkeıdegi 6 jáne soltústik betkeıdegi 4 úı qaýipti aımaqta ornalasqan. 10 úıge qalpyna keltirý jumystary júrgiziledi. Qalǵan úıler jóndeýdi qajet etpeıdi.

«Almaty ákimi aıtqan «Shetsiz qala» qaǵıdasyna sáıkes bizdiń aldymyzda aýdandy bolashaqta damytý mindeti tur: bular Aq qaıyń, Kólsaı, Sulýsaı, Alataý, Býtakovka yqsham aýdandary men Kamensk qyraty eldi mekeni. Atalǵan yqsham aýdandarda jol, sýmen qamtıtyn jáne sýdy bóletin qubyrylardy salý, áleýmettik mańyzy bar bilim (mektepter, bala baqshalar, mını ortalyqtar) jáne medısınalyq mekemelerdi (FAP-tar), deneshynyqtyrý-sport keshenderin,park aımaqtaryn jáne polısııanyń kúzet pýnktterin ashý qajet», – dedi aýdan ákimi.

Polısııanyń kúzet pýnktterine keletin bolsaq, nysandy jalǵa alý kelisimin jasaı otyryp, Sulýsaı, Keńsaı, Aq qaıyń jáne Keńsaı yqsham aýdandarynda 5 pýnkt ashý usynyldy. Kólsaı, Aq qaıyń yqsham aýdandarynda feldsherlik-ambýlatorııalyq pýnktter, sonymen qatar Dýman eldimekeninde qosymsha osyndaı dárigerlik pýnkt ashylady.

«Shetsiz qala, shekarasyz medısına» qaǵıdasy boıynsha tamyz-qyrkúıek aılarynda Keńsaı men Kamensk qyratynda dárigerlik ambýlatorııalar ashyldy.

Oqýshy oryndarynyń tapshylyǵyn sheshý boıynsha Dýman eldi mekenindegi № 172 mektep janynan 850 oryndy qosalqy nysan salynýda. Onyń qurylysy 2020 jyldyń naýryz aınyda aıaqtalady.

Sonymen qatar, Jaıly qalalyq orta basqarmasymen birge Alataý yqsham aýdanyndaǵy № 7 mekteptiń ǵımaratyn seısmıkalyq kúsheıtý, qalpyna keltirý jáne kúrdeli jóndeýden ótkizý boıynsha joba ázirlengen edi. Qazirgi kezde ótinish qabyldandy, is 2020 jyly qolǵa alynatyn bolady.