• USD 389.52
  • EUR 429.21
  • RUB 6.07
  • CNY 54.94
21 Qazan, 01:48:45
Nazarbaev: "Nur Otan" halyqty mazalaıtyn máselelerge aralaspaıdy

19 Qyrkúıek, 2019 Aımaqtar

Jambyldyqtar jaqsy kıno túsirýge qushtar

Elbasy Nursultan Ábishuly Nazarbaevtyń «Uly dalanyń jeti qyry» maqalasynda «Tarıhtyń kıno óneri men televızııadaǵy kórinisi» taraýy otandyq kınoındýstrııasy úshin sony múmkindikter berýdiń bastamasy bolǵany aıan. Sondyqtan endigi kezekte el tarıhynan syr shertetin tanymdy derekti fılmder, televızııalyq serıaldar, kórkem fılmder kınosúıer qaýymnyń kóz aıymyna aınalmaq. Bul baǵytta Jambyl oblystyq kıno ortalyǵymen jasalynǵan jumys júıeli, dep jazady Qamshy.kz aqparat agenttigi. 

 

Shyntýaıynda saıyn dala tósinde táýelsizdik pen azattyq úshin bolǵan kúrestiń kez kelgen qaharmany, olar jaıynda aıtylatyn ańyz áńgimeler talaı kınotýyndynyń sıýjetine aınala alady. Oǵan qosa kıno tek tarıhty tanytyp qana qoımaı ony álemge aıan etip, týrısterdi tartýdyń quralyna aınalýy da zańdylyq. Bul oraıda talaı tarıhı-mádenı oryndarymen ańyzǵa aınalǵan kıeli oryndarymen tanymal Áýlıeata óńirinde talaı shedevrge arqaý bolarlyq dúnıeler jeterlik. Ári bul jobany júzege asyrýdan oblystyq kıno ortalyǵy aıanyp qalmaıdy.

–Elbasynyń «Uly Dalanyń jeti qyry» maqalasynan týyndaǵan mindetterdi júzege asyrýdyń arnaıy jospary jasalynǵan. Ol josparǵa tıisti qarajat kózi qarastyrylǵansha ortalyq mamandarynyń kúshimen «Qyzǵaldaqtar» dep atalatyn shaǵyn kórkemfılm túsirdik. Qazir bul beınetýyndy montajdalý ústinde. Bul kınokartınada qyzǵaldaqtyń óńirimizdiń sımvoly retinde róline aıryqsha basymdyq berildi. Fılmdegi alǵashqy dıalogtyń ózi kórermendi tartyp ketedi. Týyndy jaqyn arada kınosúıer qaýymnyń nazaryna usynylady.

Jalpy oblystyq kıon ortalyǵy óz mártebesin 2012 jyly aldy. Alǵashynda bul qurylym beıneqordaǵy týyndylardy kópshilik nazaryna usynýmen ǵana aınalysyp keldi. Al 2017 jyldan bastap shaǵyn rolıkterdi túsirý jumystaryn qolǵa aldyq.Sodan bergi eki jylda san túrli áleýmettik máseleni qaýzaıtyn 40 rolık kórermenderge usynyldy. Sonymen qatar qorymyzda 2 qysqa metrajdy kórkem fılm, 1 tolyq metrajdy kıno bar, – deıdi oblys ákimdigi mádenıet, arhıvter jáne qujattama basqarmasyna qarasty oblystyq kıno ortalyǵynyń basshysy Saılaý Lesbaev.

Qazirgi tańda ortalyqtyń shyǵarmashylyq ujymy óńir basshysynyń tapsyrmasymen oblystyń 80 jyldyq mereıtoıyna oraı derekti fılm túsirýge jumyldyrylǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir