• USD 389.52
  • EUR 429.21
  • RUB 6.07
  • CNY 54.94
14 Qazan, 05:43:48
Rasýl Jumaly: Qandastardyń «taý-tasty basyp óttik» deýi qısynǵa kelmeıdi

18 Qyrkúıek, 2019 Aımaqtar

Jambylda shaǵyn nesıe alyp, sharýasyn shalqytyp jatqandar kóp

Memleket basshysy Q.Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynda shaǵyn jáne orta kásipkerikti damytýǵa aıryqsha nazar aýdarylǵany belgili. Prezıdent bul turǵyda «Shaǵyn, ásirese, mıkrobıznes elimizdiń áleýmettik-ekonomıkalyq jáne saıası ómirinde mańyzdy ról atqarady. Atap aıtqanda, eń aldymen, aýyl turǵyndaryna turaqty jumys beredi, jumyssyzdyqty azaıtady. Sonymen qatar, salyq bazasyn qurap, jergilikti bıýdjetti nyǵaıtady» dep atap kórsetti.

Búginde Jambyl oblysynda shaǵyn jáne orta kásipkerlik damytý baǵytynda júıeli jumystar atqarylýda. Bıznestiń qanat jaıýyna «Atameken Taraz» jaýapkershiligi shekteýli seriktestigi de óz úlesin qosýda. Shaǵyn nesıeleý uıymynyń ashylǵanyna kóp ýaqyt óte qoıǵan joq. Deıturǵanmen seriktestik basshylyǵy kásiptiń kózin tapqandarǵa nesıe berý arqyly oblystyń kásipkerlik salasynyń damýyna oń septigin tıgizýde.

Atalmysh qarjy uıymynyń sharapatyn sezinip úlgergen agroqurylymnyń biri-Baızaq aýdanyndaǵy «Birlik» sharýa qojalyǵy. Nıkolaı Rahmetildaev jetekshilik etip kele jatqan qojalyq nesıe qarajatynyń negizinde ónimdilikti arttyryp, sharýashylyqtyń aıasyn keńeıte túsipti.

– «Jambyl monolıt stroı» TREST-i bankrotqa ushyraǵannan keıin men 1998 jyly osy «Birlik» sharýa qojalyǵyn uıymdastyrdym. Bastapqy qadamdy pııaz, kópjyldyq shóp, júgeri ósirýden bastadyq. Alǵashqy egis alqabymyz nebári 10-aq gektardy quraǵan. Jyldar óte alqap aýmaǵyn keńeıtip 70 gektarǵa deıin jetkizdik. Árıne, alǵashynda aqshadan azdap qysyldyq. Keıin de qarjy jetispeýshiligi sezilip júrdi. Degenmen, qol qýsyryp qarap otyra bergennen túp shyqpasyn bilip, beldi bekem býyp banktiń esigin qaqtym. Biraq bir sebeptermen nesıege qol jetkize almaı, bankten taýym shaǵylyp shyqtym. Osy aralyqta tanystarym «Atameken» kásipkerler palatasy aıasyndaǵy «Bıznes Keńesshi» jobasy boıynsha kásipkerlik negizderiniń kýrsyn oqyp, nesıe alýǵa bolatynyn aıtyp úmit otyn jandyrdy. Osylaısha tıisti kýrstan ótip «Atameken Taraz» jaýapkershiligi shekteýli seriktestiginen 3 500 000 teńge kóleminde nesıe aldym. Qarjy uıymynyń talaby kóńilden shyqty. Eshqandaı bıýrokratııasyz-aq, sabyla kútpeı-aq 4 paıyzdyq stavkamen qarjy alyp, sol múmkindiktiń arqasynda bıyl tamshylatyp sýarý ádisimen qant qyzylshasy men pııaz ektim. Sondaı-aq, tamshylatý tehnologııasynsyz-aq qara topyraqqa qarapaıym ádispen júgeri, pııaz, jońyshqany da seýip tastadym. Endi mine osy eńbektiń jemisin kórip, kóńilim marqaıyp otyr, – deıdi N.Rahmetildaev.

Bul biz sóz etken bir ǵana sharýashylyq. Al Jambyl jerinde qarjylaı qoldaýdyń nátıjesinde tirligin tikteı bilgen agroqurylymdardyń qatary jyldan jylǵa kóbeıip keledi. Eń bastysy el-jurttyń eńbekke degen qulshynysy joǵary.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir