• USD 389.52
  • EUR 429.21
  • RUB 6.07
  • CNY 54.94
15 Qazan, 15:29:36
Saılaý qarsańynda "joǵalyp ketken" akter Shrı-Lankadan sálem joldady (vıdeo)

17 Qyrkúıek, 2019 Barlyq aımaqtar

AQTAÝDAǴY ENDOHIRÝRGTER KONGRESI: OTALAR SÁTTI BASTALDY

Aqtaý qalasynda ótip jatqan Kaspıı mańy memleketteriniń 1-shi pánaralyq endohırýrgııalyq Kongresi aıasynda Fransııa, Reseı, Ýkraına jáne Qazaqstannyń onkolog jáne gınekolog dárigerleri ǵylymı – praktıkalyq sessııa barysynda ózara pikir almasyp, sheberlik-klasyn ótkizip, birneshe otany sátti bastap ketti.

Atap aıtqanda, jatyr moıyny obyry hırýrgııasyndaǵy laparoskopııanyń múmkindikteri men shekteýleri, onkogınekologııadaǵy ınnovasııalar taqyrybynda sóz qozǵady. Al operaııalardy translıasııalaý kezinde 3D «Jatyr moıyny obyry. Vertgeım operasııasy» jáne «Retroservıkaldy endometrıoz – ishek kesý» sátti ótti.

mp

Ýkraındyq joǵary sanattaǵy dáriger, hırýrg Sergeı Baıdo analyq bezi obyrynyń taralǵan túri kezindegi laparoskopııalyq tolyq birinshi sıtoredýksııanyń dúnıejúzindegi alǵashqy tájirıbesimen bólisti. Al Reseıdiń Sankt-Peterbor shaharynan kelgen medısına ǵylymdarynyń kandıdaty Aleksandr Basos  elektrohırýrgııanyń fızıkalyq negizderi týraly aıtyp berdi. «Obyr endometrııa ICG» jáne «Paraaortaly, jambas lımfodısseksııa» atty otalar júrgizildi. Sondaı-aq, reprodýktıvtik jastaǵy áıelderde jatyr moıyny patologııasyn emdeýdiń qazirgi zamanǵy ádisteri men bastaýysh endoskopısttiń daǵdylaryn damytýdaǵy Wetlab róli jaıly aıtyldy.

Sonymen qatar, búgin gısteroskopııa mektebi uıymdastyryldy. Onyń aıasynda Mańǵystaý oblystyq perınataldyq ortalyǵy bazasynda, óńirdegi gınekologııalyq naýqastarǵa medısınalyq kómek sapasyn jaqsartý jáne akýsher-gınekologtardyń biliktiligin arttyrý maqsatynda «Operatıvti gısteroskopııa» taqyrybynda bilim jetildirýdiń sıkly ótti.

Oqýǵa oblystaǵy memlekettik jáne jeke klınıkalaryndaǵy akýsher-gınekolog jáne hırýrg mamandar belsendi qatysty. Dáris berýshi lektor - N.I.Pırogov atyndaǵy Reseı memlekettik medısına ýnıversıtetiniń professory, medısına ǵylymynyń doktory Laýra Kappýsheva boldy. Leksııa barysynda jatyr qýysy qabyrǵalaryn gısteroskopııa tásili arqyly tekserý, jatyrishilik patalogııalardy anyqtaý, tinder bıopsııasyn alý, obyr satysyn anyqtap, emdeý tásilin tańdaý jáne t.b suraqtar qamtylǵan.

Alda reseılik mamandardyń qatysýymen gınekologııalyq naýqastardy rezektoskopııa, analyq bezdiń qatersiz óspeleri, jeńil endoskopııalyq operasııalardyń prınsıpteri talqylanyp, kúrdeli mıomany qalaı tez emdeýge bolatyny, kúrdeli jaǵdaılardy taldap, beıneprezentasııa jasalmaq. Al ázirbaıjannan kelgen dárigerler laparoskopııalyq gıster – jáne mıomektomııa kezinde túıinder men jatyr kóleminiń úlkendiginiń mańyzdylyǵyn túsindirmek.

Aqtaýlyq dárigerler de qalys qalǵysy joq. Sýbmýkozdy mıomatozdy túıinderdiń qaýipsiz jáne tıimdi gısteroskopııalyq rezeksııasyn jasaý prınsıpteri jóninde óz tájirıbesimen bólisýdi kózdeıdi. Fransııadan kelgen professor Revaz Bochorıshvılı aýyr endometrıozdy emdeýdiń zamanaýı tásilderin keıinen túsindirýdi kózdeıdi.

Sondaı-aq, jatyr moınaǵyna bala bitý kezindegi aǵzalardy saqtap qalý tehnologııalary, polıkıstozdy analyq bezderiniń aýrýy kezinde endoskopııalyq operasııalardyń árbir túrleriniń tıimdiligin salystyrmaly zerteý, postmenopaýzadaǵy spesıfıkalyq prosesterdiń dıagnostıkasy kezindegi gısteroskopııanyń róli týraly aıtylady dep kútilýde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir