Han apanyń ǵylymı murasyn talqylady

Shyǵys Qazaqstan oblysynda "Qanıpa Bitibaevanyń ustazdyq tulǵasy jáne pedagog mártebesi" atty respýblıkalyq ǵylymı-tájirıbelik konferensııa ótti. Oǵan 400-ge jýyq delegat pen qonaq qatysyp, pikir almasty.

Konferensııa barysynda oqý úderisinde zamanaýı bilim berý tehnologııalaryn jetildirý, oqýshylardyń ıntellektýaldyq jáne shyǵarmashylyq qasıetterin damytý, pedagog mártebesin kóterý syndy birqatar máseleler kóterildi. Sondaı-aq Qanıpa Bitibaevanyń eńbekteri týraly keńinen aıtyldy.

– Bul konferensııadan rýhanı azyq alyp qaıtatyndaryńyzǵa senemiz. Ustazdardyń ustazy atanǵan Han apamyzdyń qurmetine oraı olımpıada, ǵylymı jobalar baıqaýy ótedi. Bıyl besinshi jyl qatarynan oblys ákimdiginiń qoldaýymen Qanıpa Bitibaeva atyndaǵy olımpıada ótti. Onda daryndy oqýshylar anyqtalyp, marapattaldy, – dedi Shyǵys Qazaqstan oblysy bilim basqarmasy basshysynyń orynbasary Qajymuqan Ospanǵalıev.

Konferensııa barysynda QR Ulttyq ǵylym akademııasynyń korrespondent-múshesi, pedagogıka ǵylymdarynyń doktory Faýzııa Orazbaeva, S.Amanjolov atyndaǵy ShQMÝ-dyń professory Aıjan Kartaeva, Nur-Sultan qalasyndaǵy №72 mektep-lıseıiniń qazaq tili men ádebıeti pániniń muǵalimi Janar Ádilbekova baıandama jasady.

– Qanıpa Omarǵalıqyzy qazaq ádebıetin álemge tanytty. Talaı bilimdi shákirtti tárbıelep shyǵardy. Biz Qanıpanyń eńbekterin joǵary baǵalaımyz. Onyń ustaz retindegi orny erekshe, – dedi Faýzııa Orazbaeva.