Shalǵaı aýyldarǵa aýyz sý jetti

Jambyl oblysy Sarysý aýdanynyń qos aýyly taza sýdyń ıgiligine ıe boldy. Endi ár úıge jeli tartylyp, aýyz sýmen qamtylatyn boldy.Bir apta ishinde Arystandy men Qyzyldıhan turǵyndaryn qýantqan ońdy is «Aımaqtardy damytý - 2020» baǵdarlamasy boıynsha júzege asty.

Turǵyndardyń qýanyshyna 30 tamyz QR Konstıtýsııasy kúni Jaıylma aýylyndaǵy Qyzyldıhan eldi mekeninde jańadan "Aýyz sý" qoımasy paıdalanýǵa berildi.

– Mine, bizdiń aýyldarymyz da sapaly aýyz sýǵa qol jetkizip otyr,-deıdi Qyzydıhandyq turǵyndar qýanyshtaryn jasyra almaı.

Qyzyldıhandaǵy aýyldyqtarmen qýanyshyn bólisip quttyqtaý sóz sóılegen aýdan ákiminiń orynbasary Oljas Kókeı saltanatty sharanyń alqyzyl lentasyn qıdy.

Aýyldyqtar nysan basynda atqarylǵan uńǵymany burǵylaý jumystary, elektr jelisin tartý jumystary, magıstraldi sý qubyryn tartý jumystaryn aralap, oń baǵalaryn berdi.

Osy rette aıta keteıik, Qyzyldıhan aýylyn aýyz sýmen qamtamasyz etý júıesi qurylysynyń jobalyq smetalyq quny 232 929 myń teńgeni quraıdy, 5 111 metrlik sý qubyry boıynda 3 burǵylanatyn uńǵyma ornatylǵan. Bas merdiger –«IMPULSE-LTD» JShS.

Qurylys barysynda uńǵymany burǵylaý, elektr jelisin tartý, magıstraldi sý qubyryn tartý júrgizilgen. Sonymen qatar sý jınaý ımaratyndaǵy ǵımarattardyń qurylysy júrýde.

Al, Arystandy aýylyn aýyz sýmen qamtýdyń jobalyq quny 242 983,99 myń teńgeni quraǵan.

Atalmysh qarajatqa 5 663 metr qubyr tartý jumystary merdiger «Intellekt Azııa» JShS júrgizgen. Qurylys kompanııasy sý qubyry tartý jumystaryn aıaqtap, rezervýardy ornalastyrý, sý jınaý ǵımaratynyń temir beton qorshaýyn ornalastyrý, elektr jelisin tartý, transformator ornatý jumystary atqardy.

Jalpy, Jambyl oblysynda ortalyqtandyrylǵan aýyz sýmen qamtylǵan 199 eldi mekende 130 myń adam sý qubyry bola tura, sýǵa qosylmaǵany anyqtalǵan. Alty aıdyń qortyndysymen 34 myń adam qubyrǵa qosyldy. Jyl sońyna deıin taǵy da 30 myń adam sý júıesine qosylatyn bolady. Bul da kommýnaldyq mekememen atqarylyp jatqan jumystyń esebinen. Buǵan qosa, bıýdjet boıynsha 18 eldi mekenge sý qubyrlary júrgizilýde, onyń 10 jobasy iske qosylady, qamtý úlesi 56 paıyzǵa jetedi.