• USD 378.65
  • EUR 430.07
  • RUB 6
  • CNY 55.1
23 Qyrkúıek, 20:10:58
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

02 Qyrkúıek, 2019 Aımaqtar

Jambyl oblysynda 8 aıda 20 adam sýǵa ketken

Jambyl oblysy aýmaǵynda aǵymdaǵy jylǵy 29 tamyz jaǵdaıyna sý aıdyndarynda 19 oqıǵa tirkelip, onda 20 adam qaza boldy, onyń ishinde 11 bala. Barlyq qaıtys bolǵan balalar 2 jastan 15 jasqa deıingi. Balalardyń óliminiń basty sebebi – bul eresekterdiń qaraýsyz qaldyrý, jabdyqtalmaǵan jáne tyıym salynǵan oryndarda shomylý bolyp tabylady dep jazady Qamshy.kz aqparat agenttigi. 

Aǵymdaǵy jyldyń basynan Jambyl oblysy DP Jergilikti polısııa qyzmetiniń ýchaskelik ınspektorlarynyń qatysýymen oblystyń sý aıdyndarynda 808 reıd pen áńgimeler ótkizildi. Sondaı-aq, sý aıdyndarynda bolǵan kezde ata-analar men balalarǵa jazǵy kezeńde qaýipsizdik erejelerin, balalardy eresek adamdardyń qaraýynsyz qaldyrǵany ata-analardyń jaýapkershiligin túsindire otyryp, turmysy tómen jáne kóp balaly otbasylarda reıdter júrgizildi. Sondaı-aq reıd barysynda jergilikti polısııa qyzmeti Qazaqstan Respýblıkasynyń «Ákimshilik quqyq buzýshylyq týraly» kodeksiniń 364 jáne 440 - baptary boıynsha 70 ákimshilik sommasy 690 myń 593 teńgege aıyppul salynyp, al 364-bap boıynsha ákimshilik jaýapkeshilikke «Eskertý» túrinde 69 jeke tulǵa tartyldy.

Múddeli organdarmen: jergilikti atqarýshy organdarmen, oblystyq IID Jergilikti polısııa qyzmetimen, Jambyl oblysy ákimdiginiń bilim berý, densaýlyq saqtaý basqarmalarymen kelisilgen jazǵy shomylý kezeńinde oblystyń sý aıdyndarynda adamdardyń qaza bolýyn aldyn-alý boıynsha Jambyl oblysy ákiminiń birinshi orynbasary birlesken jospardy bekitti.

Sondaı-aq, aǵymdaǵy jylǵy sáýir-mamyr aıdarynda oblys aýmaǵynda «Sýdaǵy qaýipsizdik sharalary» taqyrybynda oblys aýmaǵynda sáýir aıynan bastap 443 orta mektepte jáne 20 kolledjerde 70 myńnan astam oqýshynyń qatysýymen 443 sabaq ótkizdi.

«Qaýipsiz jaz -2019» josparynyń is-sharalaryn oryndaý aıasynda, 11 qala syrtyndaǵy balalar saýyqtyrý lagerlerinde oqýshy men tárbıeshiler qamtylýymen balalardy bastapqy júzý daǵdylaryna úıretý teorııalyq jáne praktıkalyq sabaqtar ótkizilýde.

Oblys aýmaǵynda jergilikti atqarýshy organdarmen 3 qalalyq jaǵajaı (Taraz qalasynyń "Zerbulaq" kóli, Qarataý qalasynyń "Jartas" kóli jáne Jańatas qalasynyń "Qalalyq jaǵajaı" kóli) jabdyqtalyp, onda sýda qutqarý bólimsheleri ornalasqan. sý aıdyndarynyń demalý jáne shomylýǵa qaýipti, jabdyqtalmaǵan ýchaskelerinde 101 eskertetin jáne tyıym salatyn belgiler jáne 45 aqparattyq stendter ornatylǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir