• USD 378.65
  • EUR 430.07
  • RUB 6
  • CNY 55.1
19 Qyrkúıek, 03:04:34
Shashyrap júrgen qazaqty búgin kóshirip almasaq, erteń joǵaltyp alýymyz múmkin

24 Tamyz, 2019 Aımaqtar

Jambylda "Qazaqtaný" jobasy jemisti júzege asyp jatyr

Taraz qalasyndaǵy Dostyq úıinde Jambyl oblysy Qazaqstan halqy assambleıasy Keńesiniń otyrysy ótti dep jazady Qamshy.kz aqparat agenttigi. 

Basqosýdy Jambyl oblysy QHA hatshylyǵy meńgerýshisiniń mindetin atqarýshy Jasórken Jaqsylyq pen QHA Qoǵamdyq kelisim keńesiniń tóraǵasy Iýrıı Mınakov ótkizdi.

Kún tártibindegi belgilengen máseleler boıynsha Qazaqstandyq biregeılik pen birlikti nyǵaıtý jáne «Máńgilik El» jalpyulttyq patrıottyq ıdeıasyn iske asyrý jóninde atqarylyp jatqan jumystar týraly T.Rysqulov, Moıynqum aýdandary ákimderiniń orynbasarlary men oblys ákimdigi bilim basqarmasynyń basshylary baıandama jasady. Qazaqstan halqy assambleıasynyń «Qazaqtaný» mádenı-aǵartýshylyq jobasyn iske asyrý boıynsha atqarylǵan jumystar týraly Jambyl oblysy ákimi apparatynyń «Qoǵamdyq kelisim» mekemesiniń basshysy Rano Ýbaıdýllaeva, «Arhyz» respýblıkalyq qoǵamdyq birlestiginiń Birlik-qarashaı-balkarlardyń Jambyl fılıaly» qoǵamdyq birlestiginiń jetekshisi Lelıa Ýzdenova jáne sonymen qatar «Jambyl oblystyq «Vynhýa» dúngender assosıasııasynyń mádenı ortalyǵy» qoǵamdyq birlestiginiń tóraǵalary jáne aýdan ákimderiniń orynbasarlary baıandama jasady.

Jambyl oblysy ákimi apparatynyń «Qoǵamdyq kelisim» mekemesiniń basshysy Rano Ýbaıdýllaeva óziniń baıandamasynda josparlanǵan is-sharalarǵa sáıkes «Qazaqtaný» baǵdarlamasy boıynsha 2018 jyly Jambyl oblysynyń Qazaqstan halqy assambleıasynda 15 is-shara, 2019 jyldyń birinshi jarty jyldyǵynda barlyǵy 6850 adam qatysqan 11 is-sharanyń ótkizilgendigi týrasynda atap ótti. Sonymen qatar bıylǵy ekinshi jarty jyldyqqa josparlanǵan 11 is-shara jóninde qysqasha málimet berdi:

-2019 jyldyń ekinshi jarty jyldyǵyna 11 is-shara josparlanǵan. «Mámile» klýby, sheberlerdiń qolóner klýby óz jumysyn jalǵastyrýda. «Qazaqtaný» - Qazaqstannyń barlyq etnostary arasynda qazaq mádenıetin, tarıhyn, fılosofııasyn, tilin úırenýge jáne nasıhattaýǵa baǵyttalǵan joba. Osy tusta jobanyń jastar úshin erekshe mańyzdylyǵyn atap ótkim keledi. Atalmysh joba qazaq mádenıetiniń dástúrge baı tarıhyna tereń úńile bilýge, kóshpeli halyqtyń san ǵasyrlyq fılosofııasyn túsiný múmkindigine jeteleıdi. Ol qazaq halqynyń qundylyqtaryn rýhanı qabyldaý arqyly jas qazaqstandyqtardy biriktirýge jańa serpin bere alady,-dedi óz sózinde R.Ýbaıdýllaeva.

Jıyn sońy Qazaqstan Respýblıkasynyń 2008 jylǵy 20 qazandaǵy «Qazaqstan halqy Assambleıasy týraly» Zańyna sáıkes, Jambyl oblysy Qazaqstan halqy assambleıasy Keńesiniń birqatar máseleler boıynsha sheshim qabyldaýymen aıaqtaldy.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir