Qurylys qarqyn alsa, halyqtyń da turmysy túzeledi

El ekonomıkasyn alǵa ilgeriletýde qurylys – montaj jumystarynyń alar orny erek. Oǵan qosa Elbasy da jer-jerlerdi eń aldymen ınfraqurylymmen qamtamasyz etip baryp, halyqty qonystandyrýdy basa aıtyp keldi. Bul bastama búginde el Prezıdenti Qasym-Jomart Toqaevtyń tarapynan jalǵaý taýyp, Jambyl jerinde tetigin tabýda dep jazady Qamshy.kz aqparat agenttigi. 

Atap aıtsaq, Jýaly aýdany B.Momyshuly aýylyndaǵy Kóktóbe jańa turǵyn alqabyna (elektr qýatymen, gazben, sýmen qamtamasyz etý jáne avtomobıl joldary) ınfraqurylym nysandarynyń qurylysy (smetalyq quny – 612 000,0 myń teńge) boıynsha Jambyl oblysy ákimdiginiń qurylys, jolaýshylar kóligi jáne avtomobıl joldary basqarmasy arqyly memlekettik satyp alý konkýrsy jarııalanyp, nátıjesinde «Talas-Qurylys» JShS-gi jeńimpaz bolyp anyqtalǵan. Qyrkúıek aıynyń 14-i kúni «Talas-Qurylys» JShS-men jalpy somasy 404 320,0 myń teńgeni quraıtyn №51 sandy kelisim shart rásimdelip, jumys bastalǵan. 2018 jylǵa qurylys-montaj jumystaryna qarastyrylǵan 178 571,4 myń teńge tolyq ıgerildi. Sáýir aıynan bastap, jumystyń II kezeńi bastalyp 168 659,0 myń teńge qarjysy ıgerildi. Jumystardyń sapaly ári jobaǵa sáıkes oryndalýy bólim men «Tehnadzor-2015» JShS-gi qyzmetkerleri jáne joba avtory – «Kazremjılproekt» JShS-niń joba ınjereneri arqyly udaıy baqylanýda.

Qoshmambetov mektebine qosymsha sportzal (qazandyǵymen birge) qurylysy (135 839,0 myń teńge) «Ekspertıza PRO» JShS-gi arqyly saraptamadan ótip, qurylys-montaj jumystaryna qarjy bólinip, memlekettik satyp alýdyń ashyq konkýrsynyń nátıjesine sáıkes «Taraz Qurylys-Invest» JShS-gi jeńimpaz bolyp tabyldy. Jumystar mamyr aıynyń II jartysynda bastalyp 39 345,3 myń teńge qarjysy ıgerildi.

Osylaısha jýalylyqtar qurylys-montaj jumystaryna jiti kóńil bólip, eldi mekenniń eńsesin tikteýde. Mundaı baıandy bastamalar búginde Jambyl oblysyna qarasty ózge aýdandarda da jalǵasyn tabýda. Tipti oblys ortalyǵynan shalǵaı jatqan Moıynqum aýdanyna qarasty Myńaral, Qashqanteńiz, Qııaqty syndy aýyldarda da qurylys-montaj jumystaryna aıryqsha mańyzdylyq berilýde. Bul jergilikti bıliktiń jurtshylyqqa jasap jatqan qoldaýy men qamqorlyǵy ekeni daýsyz. QR Tuńǵysh Prezıdentti Nursultan Nazarbaevttyń Joldaýlarynyń kózdegen túpki maqsaty da osy. Áleýmettiń áleýetin arttyrý. Bul turǵyda Jambyl oblysy kóshten qalyp jatqan joq.