Jambylda óndiris te, taýar tasymaly da durys jolǵa qoıylǵan

Otarbanyń otany sanalatyn Jambyl oblysy Shý óńiri óziniń óndiristik áleýetimen kópke tanylǵan ólke. Munda taýar óndirýmen qatar, tasymal jaǵy da myqtap jolǵa qoıylǵan. Memleket basshysy Qasym-Jomart Toqaevtyń da basa aıtyp júrgen bastamalarynyń biri osy. О́ndiris pen tasymaldy qatar alyp júrý. Bul oraıda Shý aýdanynyń óndiris óristep, tasymaly tastaı bolyp tur dep jazady Qamshy.kz aqparat agenttigi. Máselen aǵymdaǵy jyldyń alǵashqy jarty jyldyǵynyń ózinde jalpy shyǵarylǵan ónim kólemi 24 mlrd. 731,0 mln. teńgeni qurap, 2018 jylmen salystyrǵanda 138,4% deıin jetken.

О́nim óndirý kóleminiń quramynda ónerkásip úlesi — 16,5%, aýylsharýashylyǵy ónimi —21,3%, baılanys jáne kólik qyzmeti — 0,8%, taýarlardy, qyzmetterdi ótkizý kólemi — 42,3 %, qurylys — 18,9 % bolyp otyr.

Aýdannyń ónerkásip salasyndaǵy ónim men kórsetilgen qyzmet kólemi — 4070,9 mln. teńge, fızıkalyq ındeks kólemi —103,2%-ǵa, ıaǵnı 2018 jyldyń dál osy ýaqytymen salystyrǵanda — 1838 mln. teńgege artyq oryndalǵan.

Sý berý jáne sý burý kólemi 123,8 mln. teńge, naqty kólem ındeksi 93,5%, ótken jyldyń tıisti ýaqytymen salystyrǵanda 11,5 mln. teńgege joǵary.

О́ńdeý ónerkásibi óndirisiniń kólemi 1526,1 mln. teńge, naqty kólem ındeksi 102,3%. 2018jylǵa qaraǵanda 395,1 mln. teńgege artyq oryndaldy.

2019 jyldyń 5 aıynda aýdan boıynsha jumys isteıtin 6425 kásipkerlik nysanda 604 adam jumyspen qamtylyp, barlyq shaǵyn jáne orta kásipkerlik salasy boıynsha óndirilgen ónim kólemi — 5498,3 mln. teńgeni quraǵan.

Negizgi kapıtalǵa 11222,7 mln. teńge ınvestısııa salynyp, 2019 jyly iske qosylýy josparlanǵan 4 ınvestısııalyq joba boıynsha jumystar júrgizilýde:

1. «Standardconstruction» JShS-i Shý qalasyndaǵy «Bıtým» zaýytynyń qurylysyn aıaqtady. Atalǵan zaýyttyń iske qosylý merzimi: 2019 jyldyń 2 toqsany. Zaýyt iske qosylǵan jaǵdaıda 50 adam jumyspen qamtylyp, aıyna 15 000 kýb bıtým óndiretin bolady. Jobanyń jalpy quny — 2 mlrd. teńge.

2. «M-KAT GREEN» JShS-i fotoelektr (kún sáýlesi) stansııasynyń «Shý-100 MVt jobasy». Jobanyń jalpy quny — 60 737,7 mln. teńge (sheteldik ınvestorlardyń qatysýymen). Jobaǵa Alǵa aýyldyq okrýginen 500 ga jer telimi berilgen. Qazirgi tańda jer aýmaǵy qorshalyp, tegisteý jumystary aıaqtaldy. Joba iske asyrylǵanda 12 adam jumyspen qamtylatyn bolady.

3. «Kompanııa A & T – Energo» JShS-i Tasótkel sý qoımasynda gıdroelektrostansııa zaýytynyń qýattylyǵyn 4,6 MVt-tan 9,2 MVt-qa kóterý maqsatynda zaýyttyń ekinshi kezeńiniń qurylysyn júrgizýde. Joba

quny — 1 mlrd. 980 mln. teńge. Búgingi kúnge jabdyqtardy satyp alý týraly kelisim-sharttar jasaldy. Joba iske qosylǵanda 12 adam jumyspen qamtylady.

4. «Elnýr Adıl Grýpp» JShS-i quny — 3,5 mln AQSh dollaryn (1 319 mln teńge) quraıtyn «11 750 tonnaǵa arnalǵan elevator, makaron sehy, dıirmen, qoıma jáne ofıstik úı-jaılar» jobasy. Qýattylyǵy: dıirmen táýligine — 120 tn, makaron sehy táýligine — 22 tn, bıdaıdy satý (aıyna 7000 tn). Joba iske qosylǵanda 64 adam jumyspen qamtylmaq. Iske asyrylý merzimi: 2019 jyl. Qazirgi ýaqytta Shý qalasyndaǵy burynǵy qant zaýyty aýmaǵynan 2 gektar jer qarastyrylýda.

Osylashy shýlyqtar óndiris salasyndaǵy jańa dáýirdi bastan keshirýde. Láıim, elge bereri mol jobalary berekeldi bolsyn.