Qoǵamdyq densaýlyq basqarmasynyń basshysymen S.J. Asfendııarov atyndaǵy Qazaq ulttyq medısına ýnıversıtetiniń rektory ózara yntymaqtastyq týraly Memorandýmǵa qol qoıdy

Yntymaqtastyqtyń basym máseleleri, sózsiz, vedomstvolyq baǵynysty medısınalyq uıymdarda halyqqa medısınalyq kómek kórsetý sapasyn jetildirý jáne arttyrý, Basqarmanyń vedomstvolyq baǵynysty medısınalyq uıymdary bazasynda ýnıversıtettiń klınıkalyq kafedralarynyń professor-oqytýshylary quramynyń praktıkalyq kómegin júzege asyrý, Ýnıversıtet túlekterin medısınalyq uıymdarda jumysqa ornalastyrý máselelerin basym túrde sheshý, ǵylymı semınarlar, konferensııalar, sımpozıýmdar, klınıkaǵa deıingi jáne klınıkalyq zertteýlerdi daıyndaýǵa jáne ótkizýge birlesip qatysý bolyp tabylady.

«Búgingi tańda medısınalyq kadrlardyń tapshylyǵy ózekti másele bolyp tabylady. Qazirgi ýaqytta 300-den astam dáriger jetispeıdi. Kelesi mamandyqtar – pedıatrlar, ýchaskelik terapevter, jalpy praktıka dárigerleri, sáýlelik dıagnostıka dárigerleri, anestezıolog-reanımatologtar, klınıkalyq farmasevtter, oftalmologtar, reabılıtolog-dárigerler, onkologtar, psıhıatrlar, akýsher-gınekologtar jáne basqalar boıynsha kadr tapshylyǵy joǵary. Memorandýmǵa qol qoıýmen bul san aıtarlyqtaı tómendeıdi dep úmittenemiz!» - dep atap ótti qalalyq densaýlyq saqtaý basqarmasynyń basshysy Qanat Tósekbaev.

Tutastaı alǵanda, aǵymdaǵy jyldyń jartyjyldyǵynda medısına qyzmetkerleriniń kelýiniń oń úrdisi baıqalady. Osy kezeńde 817 dáriger, myńnan astam orta medısına qyzmetkerleri keldi.

Sondaı-aq, dárigerler tapshylyǵy máselesin sheshý boıynsha medısınalyq mekemelerdiń basshylary Bos oryndar jármeńkesine turaqty túrde qatysýda.

Osy jyly Almaty qalasyna medısınalyq joǵary oqý oryndarynyń 308 túlegi jáne medısınalyq kolledjdiń 200 túlegi bólindi.

Almaty qalasy Qoǵamdyq densaýlyq basqarmasynyń baspasóz-hatshysy Nabıra Esenova