Marǵulan Seısembaı: LRT. Biz kimdi aldamaqshymyz?

LRT qurylysynyń jalǵastyrylýy jáne onyń ońtaılandyrylǵan shyǵyndary týraly. 
LRT-nyń birinshi nusqasy bizge 2,6 mlrd dollarǵa shyqqan edi. Ońtaılanǵan shyǵyny - 1,5 mlrd. Bul qysqartý negizinen:
- qaryz merzimi 20 jyldan 5 jylǵa deıin qysqartý esebinen alyndy. Tıisinshe paıyzdardyń tóleý kerek sany da azaıdy.
⁃ jyljymaly kólikterdi 19-dan 12-ge deıin qysqartý, aıaldama stansııalaryn 18-den 11-ge deıin qysqartý, jer asty jáne jaıaý júrginshiler ótkelderin qysqartý esebinen alyndy.

Endi osy másele boıynsha meniń oı pikirim.
Birinshiden, kez kelgen bastaýshy qarjyger nesıe boıynsha paıyzdardy tólemeı, basqa shottaryn, sonymen qatar óz shot kózderin paıdalansa, bul múldem tegin aqsha bar degendi bildirmeıtinin túsinedi. Bul taza sheneýnik tásili. Aqsha - árqashan quny bolatyn sýbstansııa. Bul jaı ǵana siz qytaılyqtarǵa tólemeıtin aqshany basqa bireýge tóleısiz degendi bildiredi. Tıisinshe, shyǵyndar 800 mln. dollarǵa qysqarǵan joq. Tek siz bul shyǵyndardy basqa orynǵa aýystyrdyńyz. Is júzinde, bıýdjet basqa jerde 600-800 mln.dollar kóleminde jetpeıtin bolady.

Ekinshiden, eger siz qozǵalmaly quramdy, stansııalardy, jer asty jáne jaıaý júrginshiler ótkelderin 40% - ǵa qysqartsańyz, bul bastapqyda siz bárin durys josparlamaǵanyńyzdy bildiredi. Tıisinshe, nege siz dál qazir durys josparlap otyrmyz dep oılaı alasyzdar? Nege 60,70% emes, 40% - ǵa qysqartý boldy? 
Men tipti qazir 1.5 + 800 mln nemese 2.3 mlrd dollarǵa tolyq joba emes, múgedek sekildi jobany alatynymyzdy aıtqym da kelmeıdi. Sonda LRT shynaıy shyǵyny tek qana 300-450 mln.dollarǵa nemese 13-15 % qysqartylsa, fýnksıonaly 40% qysqartylyp otyr. 
Nátıjesinde, qymbat 2,6 mlrd. dollarlyq, biraq tolyqqandy LRT ornyna biz qymbat 2,3 mlrd.dollarlyq tolyq qyzmet kórsete almaıtyn jobany kóremiz.

Onysymen qoımaı, Astanada bul jobany aqtap shyǵaratyn adam aǵyny joqtyǵyn eskeretin bolsaq, bul - barlyq 2.5 mlrd dollardy kóptegen áleýmettik mańyzy bar máselelerdi sheshýge emes, dalaǵa shashýmen teń ekenin túsinemiz.

Marǵulan Seısembaıdyń feısbýk paraqshasynan