Ǵabıdolla Ábdirahymov: "Paranja kıip júreıin be?"

Shymkent ákimi Ǵabıdolla Ábdirahymov Shymkent qalasyn qalaı aralaıtyny týraly aıtyp, el arasynda taraǵan qaýesetti joqqa shyǵardy dep habarlaıdy Qamshy.kz aqparat agenttigi Sputnik saıtyna silteme jasap.

"Negizinde qalany jıi aralaımyn. Meni tanymaýy úshin ne isteımin endi? Paranja kıip júreıin be? Qaladaǵy shyn mánisinde jaǵdaıy qıyn aýdandardy aralaǵanda, meni tanyp-tanymaýy mańyzdy emes. Kerisinshe, qala basshysynyń kelgenin bilýi tıis: jol, kanalızasııa, trotýar problemasymen tanysqanyn kórgeni jón. Meksıkalyq áriptesimizdiń tájirıbesi burynnan bar emes pe?! Baıaǵy zamanda sultandar da jupyny kıinip, qalany aralaıtyn bolǵan", -  dep jaýap berdi Ábdirahymov kıimine qatysty suraqqa.

Budan buryn BAQ-ta jazylǵandaı, meksıkalyq qala basshysy qarapaıym kıinip, qol astyndaǵy qyzmetkerlerdiń úısiz-kúısiz adamdarǵa qalaı qaraıtynyn bilipti. Osy oraıda Shymkent ákimi kúnde bolmasa da, velosıpedpen júrip turatynyn atap ótti.