• USD 378.65
  • EUR 430.07
  • RUB 6
  • CNY 55.1
24 Tamyz, 06:58:00
Qoryqshylardyń materıaldyq-tehnıkalyq bazasy kúsheıtiledi

26 Maýsym, 2019 Ekonomıka

Nesıe boıynsha qansha qazaqstandyqtyń qaryzy jabylady?

Toqaev kóp balaly analar men múmkindigi shekteýli jandardyń kredıtin keshirýdi tapsyrǵan bolatyn

Memleket 500 myńǵa jýyq nesıe alýshynyń qaryzyn óteıdi dep habarlaıdy Qamshy.kz aqparat agenttigi Aqorda saıtyna silteme jasap. 

Búginde elimizdegi áleýmettik turmysy tómen toptaǵy azamattar (kópbalaly otbasylar, múgedek balalary bar otbasylar, jalǵyz asyraýshysynan aırylǵan otbasylar, ataýly áleýmettik kómek alatyndar, jetim balalar) túrli sebeptermen qıyn jaǵdaıǵa tap bolyp, óz attaryna alǵan nesıelik mindettemelerin oryndaı almaı otyr.

"Tikeleı jáne ataýly qarjylaı kómek retinde joǵaryda atalǵan sanattaǵy azamattar úshin memleket ekinshi deńgeıli bankter men shaǵyn qarjy uıymdarynan alynǵan jalpy mólsheri 300 myń teńgege deıin negizgi nesıeni jáne oǵan eseptelgen syıaqyny óteıdi", - delingen Aqorda saıtynda. 

Nesıelerdiń 86 paıyzynan astamynyń mólsheri 1 mıllıon teńgeden aspaıdy. Qaryzdardyń ortasha mólsheri - shamamen 300 myń teńge ekeni aıtylady.  Prezıdent buryn-sońdy bolmaǵan teńdessiz áleýmettik kómek kórsetý týraly sheshim qabyldady. Tıisti Jarlyqqa qol qoıyldy.

Basty maqsat – qıyn jaǵdaıǵa tap bolǵan azamattarǵa kómektesý, olarǵa ózderiniń otbasylarynyń qarjylyq ahýalyn aıtarlyqtaı jaqsartýǵa múmkindik berý. О́kimde Úkimetke jáne Ulttyq bankke bir rettik aksııa retinde kelesi sharalardy qabyldaý tapsyrylǵan.

Tikeleı jáne ataýly qarjylaı kómek retinde joǵaryda atalǵan sanattaǵy azamattar úshin memleket ekinshi deńgeıli bankter men shaǵyn qarjy uıymdarynan alynǵan jalpy mólsheri 300 myń teńgege deıin negizgi nesıeni jáne oǵan eseptelgen syıaqyny óteıdi.

Tikeleı jáne ataýly qarjylaı kómek retinde joǵaryda atalǵan sanattaǵy azamattar úshin memleket ekinshi deńgeıli bankter men shaǵyn qarjy uıymdarynan alynǵan jalpy mólsheri 300 myń teńgege deıin negizgi nesıeni jáne oǵan eseptelgen syıaqyny óteıdi.

Budan bólek, olardyń bıylǵy 1 maýsymǵa deıingi qaryzdarynyń jalpy kólemi 3 mln. teńgeden aspaýy tıis.   Nesıe alǵandardyń 55%-y, ıaǵnı 250 myń adam úshin bul negizgi nesıe men syıaqyny qosa alǵanda jalpy qaryz kólemin tutastaı tóleý degendi bildiredi. Qalǵan nesıe alǵan azamattardyń  qaryzdary 300 myń teńge mólsherinde óteledi. Bul olardyń tóleý qabilettiligin qalpyna keltirýge jáne qaryz júktemesin tómendetýge aıtarlyqtaı septigin tıgizedi.

2019 jyldyń 1 shildesindegi málimet boıynsha bankterde jáne shaǵyn qarjy uıymdarynda kepilsiz tutyný qaryzdary bar barlyq azamattar úshin eseptelgen aıyppuldar men tólemaqy ósimderi esepten shyǵarylady.

Nesıe alýshylardyń atalǵan tólemderin esepten shyǵarý, eń aldymen, ekinshi deńgeıdegi bankter men shaǵyn qarjy uıymdarynyń esebinen júrgiziledi.

Sonymen qatar, nesıe berýge, nesıege qatysty qyzmet kórsetýge jáne jeke tulǵalardyń 90 kúnnen astam merzimi ótken barlyq kepilsiz qaryzdaryna baılanysty aıypaqy, komıssııa jáne ózge de tólemder esepteýge tyıym salynady. 

Tutyný nesıelerine qatysty qalyptasyp otyrǵan jaǵdaı qaıtalanbaýy tıis.

Bul - Prezıdenttiń ustanymy. Memleket basshysynyń tapsyrmasy boıynsha mundaı ahýaldyń aldyn alý maqsatynda Ulttyq bank retteý sıpatyndaǵy qatań sharalar qabyldap, shekten tys táýekelge barǵany úshin qarjy uıymdaryna júkteletin jaýapkershilikti kúsheıtýi tıis. 

Qarjylyq ahýalyn odan ári nasharlatpaý úshin tabysy eń tómengi kúnkóris deńgeıindegi azamattarǵa zaımdar berýge tyıym salynatyn bolady. Ulttyq bank kepilsiz tutyný zaımdaryn berý kezinde qosymsha retteý sharalaryn qabyldaıdy. Olardyń ishinde – zaım alýshynyń jalpy qaryzdyq koeffısıenti, bankterdiń jeke kapıtalyna degen qosymsha talaptar jáne basqalar.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir