• USD 378.65
  • EUR 430.07
  • RUB 6
  • CNY 55.1
21 Tamyz, 09:32:39
Alpınısterdiń naqty qaı jerde ekeni áli belgisiz

18 Maýsym, 2019 NEWS

Qazaqstanda mıtıng kezinde 4 myń adam ustaldy

Búkil polısııa tártipsizdikterdiń jolyn kesý úshin arnaıy qural-jabdyqtarmen qamtamasyz etilgen. Bul gaz ballondary, dýbınkalar, olar qoldanylǵan joq. Bul qaqtyǵystardy oqshaýlaý úshin tek fızıkalyq kúsh qoldanyldy.

Ishki ister mınıstri Erlan Turǵymbaev Qazaqstanda mıtıng kezinde 4 myńǵa jýyq adam ustalǵanyn aıtty dep habarlaıdy Qamshy.kz aqparat agenttigi Tengrinews.kz saıtyna silteme jasap. 

"Maýsymnyń 9, 10, 11, 12 jáne 13-i - bes táýlik ishinde Bas prokýratýra men IIM-niń birneshe ret eskertýlerine qaramastan, Qazaqstan qalalarynda ruqsat etilmegen mıtıngter ótkizildi. Mıtıngige shyqqan azamattar "mıtıngiler, sherýler jáne demonstrasııalar týraly" zańdy buzǵan. Zańda mundaı aksııalardy ótkizbes buryn qatysýshylar jergilikti atqarýshy organdarǵa ótinish berýi tıis ekeni anyq jazylǵan. Tek JAO-nyń ruqsatymen ǵana mıtıngter ótkizilýge tıis", - dedi Turǵynbaev Úkimet otyrysynan keıin jýrnalısterdiń suraqtaryna jaýap bere otyryp.

Ol polısııa qyzmetkerlerine arnaıy quraldardy qoldanbaýǵa komanda berilgenin atap ótti.

"Búkil polısııa tártipsizdikterdiń jolyn kesý úshin arnaıy qural-jabdyqtarmen qamtamasyz etilgen. Bul gaz ballondary, dýbınkalar, olar qoldanylǵan joq. Bul qaqtyǵystardy oqshaýlaý úshin tek fızıkalyq kúsh qoldanyldy. 4 myńǵa jýyq azamat ustaldy", - dedi mınıstr.

Mınıstrdiń aıtýynsha, 3 myń azamat "qamaýǵa alynyp, bosatyldy". 677 adam sot arqyly ákimshilik qamaýǵa, 305 adamǵa ákimshilik aıyppul salyndy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir