• USD 378.65
  • EUR 430.07
  • RUB 6
  • CNY 55.1
21 Tamyz, 09:34:32
Alpınısterdiń naqty qaı jerde ekeni áli belgisiz

04 Maýsym, 2019 NEWS

Shylymqorlarǵa memleketten tegin qandaı medısınalyq kómek usynylady?

Memleket halyqqa járdem retinde kepildendirilgen tegin medısınalyq kómek paketin usynady.

Dúnıejúzilik densaýlyq saqtaý uıymynyń bastamasymen jyl saıyn Temekige qarsy kúres kúnine oraı uıymdastyrylatyn dástúrli shara bıyl «Temeki jáne ókpe aýrýlary» taqyrybyna arnaldy dep habarlaıdy Qamshy.kz aqparat agenttigi Áleýmettik medısınalyq saqtandyrý qorynyń baspasóz qyzmetiniń málimetine súıenip. 

Shylymqorlyq – álemdegi eń úlken zııandy ádetterdiń biri. Qazirgi tańda álemdegi ár tórtinshi erkek pen ár jıyrmasynshy áıel nıkotınge táýeldi.

Dúnıejúzilik densaýlyq saqtaý uıymynyń málimetinshe, jyl saıyn álemde 7 mıllıon adam temeki saldarynan kóz jumady eken. Sonyń 890 myńǵa jýyǵy ózgeler shekken shylymnyń tútinine ýlanǵandar. Iаǵnı, passıvti shylymqorlyq ta qaýipsiz emes. Ol – júrek-qan tamyry, júrektiń ıshemııalyq aýrýy, ókpe, óńesh, asqazan obyry syndy t.b. aýrýlardyń birden-bir sebepkeri.

Resmı statıstıkaǵa súıensek, ólim-jitim jaǵynan alǵashqy orynda turǵan júrek-qan tamyry aýrýlary, tynys alý organdary aýrýlary men qaterli isiktiń qaı-qaısysy da shylymqorlyq saldarynan bolatyn dertter.

Nursultan qalasyndaǵy onkologııalyq aýrýlardyń elektrondy tizbesiniń 2019 jyldyń 1 maýsymyndaǵy derekteri boıynsha, óńesh obyrymen – 95 naýqas tirkelip, 1-eýi qaıtys bolǵan, asqazan obyrymen – 110 naýqas tirkelip, 18-i qaıtys bolǵan, ókpe obyrymen – 345 naýqas tirkelip, 46-sy qaıtys bolǵan. Baıqap otyrǵandaryńyzdaı, negizinen temeki shegý saldarynan bolatyn ókpe obyrynan zardap shegýshiler sany joǵary.

Shyn máninde, «eger ishki organdardy jyl saıyn tekserip otyratyn bolsa munyń aldyn alýǵa bolar edi» deıdi mamandar. Temeki shegetinder úshin júrek pen ókpeni turaqty baqylaýda ustaýdyń mańyzy zor. Onyń ústine, memleket halyqqa járdem retinde kepildendirilgen tegin medısınalyq kómek paketin usynady. Atalǵan paketke jalpy praktıka dárigeriniń qabyldaýy men konsýltasııasy, kózdiń kórý qabileti men kóz qysymyn tekserý, qandaǵy holesterın, glıýkoza deńgeıin tekserý úshin qan tapsyrý, elektrokardıogramma, flıýorografııa, spırografııa syndy qyzmetter kiredi. Organızmde shylymnyń saldarynan bolyp jatqan ózgerister men aýytqýlardy osy prosedýralar arqyly erterek anyqtaýǵa bolady.

ShYLYMQORLARǴA ARNALǴAN JADNAMA

-       Jalpy praktıka dárigeriniń qabyldaýy men konsýltasııasy

-       Kózdiń kórý qabiletin tekserý

-       Kózdiń ishki qysymyn ólsheý

-       Bıohımııalyq zertteýler: qandaǵy holesterın, glıýkoza deńgeıin anyqtaý

-       Elektrokardıogramma

-       Flıýrografııa (15 jastan)

-       Spırografııa

Kepildendirilgen tegin medısınalyq kómek tizimi (QR Úkimetiniń 2009 jyly 15 jeltoqsandaǵy №2136 qaýlysyna qosymsha)

«2019 jyly Nursultan qalasyndaǵy densaýlyq saqtaý mekemelerin qarjylandyrýǵa qazynadan 90,7 mlrd teńge bólindi. Onyń 13,6 mlrd teńgesi emhanalyq-ambýlatorlyq kómekke baǵyttalady, negizinen profılaktıkalyq sharalarǵa den qoıylmaq.

Oǵan qosa, tegin medısınalyq kómekti memlekettik qana emes, jeke menshik klınıkalar da kórsetedi. Bıyl memlekettik tapsyrysty oryndap jatqan 93 medısına uıymynyń 58-i – jeke menshik. 2018 jylmen salystyrǵanda jekemenshik klınıkalar sany 9-ǵa kóbeıgen», - deıdi Áleýmettik medısınalyq saqtandyrý qory Nursultan qalasy boıynsha fılıalynyń dırektory Nurlybek Qabdyqaparov.

Memlekettik tapsyrys sheńberinde kórsetiletin kepildendirilgen medısınalyq kómekti Qazaqstanda turatyn ár azamat paıdalana alady. Bıýdjet qarajaty esebinen profılaktıkalyq, dıagnostıkalyq jáne emdik qyzmetter   kórsetiledi. Sondyqtan, turǵyndarǵa aıtarymyz: densaýlyqtaryńyzdy ýaqytyly teksertip turyńyzdar, aýrýdy emdegennen aldyn alǵan ońaı. О́z densaýlyqtaryńyz – óz qoldaryńyzda!

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir