Qazaqstannyń bas sanıtary: Toıdan alǵan sarqytty jeýge bolmaıdy

Qazaqstannyń bas sanıtary Jandarbek Bekshın qazaqstandyqtardy sarqyt jeýden saqtandyrdy. Alaıda munymen el turǵyndary kelispeı jatyr dep habarlaıdy Qamshy.kz aqparat agenttigi tengrinews.kz saıtyna silteme jasap.

Elimizdiń bas sanıtar dárigeriniń aıtýynsha, sarqytta sanıtarlyq tazalyq bolmaıdy. Sondyqtan odan ishek aýrýlary taraýy múmkin.

"Qarapaıym erejeler saqtalmaǵandyqtan sarqyttan kóp aýrý juǵady. Ishek aýrýlary juǵýy múmkin", - dedi Jandarbek Bekshın.

Alaıda sarqyt alyp úırengen qazaq buǵan kelispeıdi. Etnograf Gúlim Qabdoldına dárigerdiń sózine qarsy shyqty.

"Sarqyt alý qazaqtyń dástúri. Qazaqtyń dástúrinde eshqashan kemshilik bolmaǵan. Onyń árbirinde kóregendik jatyr. Sarqytty jurt bala-shaǵasy aýyz tııý úshin alady. Merekelik taza dastarhannan salyp beredi. Sondyqtan odan bas tartý durys emes", - deıdi etnograf.

Qala turǵyndary da etnograftyń sózin qostap, bas sanıtardyń sózine qarsylyq bildirdi. Osylaısha bas sanıtardyń sózi el arasynda túsinbestik týdyrdy.

Aýdarǵan: Ildar Adılchenov