Jambyl oblysynda mal basy artyp keledi

Kún sanap Jambyl oblysynyń aýylsharýashylyǵy salasy alǵa basyp, mal basy artyp keledi. Búgingi tańda oblys boıynsha múıizdi iri qaranyń sany 396 206 basty qurap, 2017 jylmen salystyrǵanda 36916 basqa ósip otyr. Sonyń ishinde sıyr sany 175 860 basqa jetip, ótken jylmen salystyrǵanda 17 578 basqa, ıaǵnı 11,1 paıyzǵa artty. 

Jambyl oblysy jaıylymǵa baı aımaq bolǵandyqtan munda negizinen mal basyn arttyrýǵa den qoıylǵan. Bul kúnde qoı men eshki sany  2 788 352 basqa jetip, 2017 jylmen salystyrǵanda 177 876 basqa artqan. Iаǵnı, ótken jylǵylarmen salystyrǵanda 7,3 paıyzǵa ósip otyr. Al bul kórsetkish respýblıkada ortasha 2,2 paıyzdy qurady. Jambyl oblysy ákimdigi aýyl sharýashylyǵy basqarmasynyń málimeti boıynsha, búginde jylqy sany 128 160 basty qurap, 2017 jylmen salystyrǵanda 11 168 basqa ósken. Iаǵnı 9,5 paıyzǵa ósti. Al respýblıka boıynsha ortasha kórsetkish 8,6 paıyz.

  Sondaı-aq, Jambyl oblysyndaǵy túıe sany búginde 2018 jyldyń qorytyndysymen salystyrǵanda 6606 basty qurady. Bul kórsetkish 2017 jylmen salystyrǵanda 441 basqa nemese 7,2 paıyzǵa kóbeıdi. Al, bul kórsetkish respýblıkada ortasha 4,7 paıyzdy qurady. Jambyl oblysynda 2018-2027 jyldar aralyǵynda etti mal sharýashylyǵyn damytýǵa arnalǵan uzaq merzimge josparlanǵan salalyq baǵdarlama  qabyldanyp, ındıkatıvti kórsetkishteri bekitildi. Jalpy atalǵan baǵdarlama aıasynda 2018-2024 jyldar aralyǵynda oblysqa alys-jaqyn shet elden 36,0 myń basqa jýyq múıizdi iri qara malynyń analyq basyn satyp alý josparlanǵan. О́tken jyly «KazAgro» UBH nesıelik qarjy ınstıtýttary arqyly 8 208 bas múıizdi iri qara satyp alýǵa 34 sharýashylyqtan ótinim túsken. Budan basqa da 7 818 bas malǵa maquldanyp, osy ýaqytqa deıin naqty 1 703 bas mal ákelindi. Sondaı-aq, atalǵan baǵdarlama aıasynda 77 taýaróndirýshige 948,6 mıllıon teńge nesıe berilip, 32,2 myń bas qoı satyp alyndy. Qazaqstan Respýblıkasy Aýyl sharýashylyǵy mınıstrliginiń tapsyrmasyna sáıkes 2018 jyly Jambyl oblysy boıynsha 1,0 myń tonna sıyr jáne 1,5 myń tonna qoı eti eksportqa shyǵarylýy tıis bolsa, esepti kezeńde oblystaǵy taýaróndirýshiler eksportqa barlyǵy 1014,1 tonna sıyr jáne 1637,1 tonna qoı etin shyǵardy. Sıyr etin eksporttaý boıynsha Memorandýmda belgilengen kórsetkishtiń  oryndalýy 101,4 paıyz, al qoı eti eksporty boıynsha 109,1 paıyzdy qurady. Baǵdarlama aıasynda qoldaǵy maldyń ónimdiligin arttyrý maqsatynda et baǵytyna tuqymdyq túrlendirý jumysy qolǵa alyndy. Jyl boıy tuqymdyq túrlendirýge múıizdi iri qara malynyń 65,5 myń analyq basy tartylyp, (jalpy sıyr sanynyń 42,1 paıyzy) jospardyń oryndalýy 102,3 paıyzdy qurady. 

Dýlat Aıtbaı