• USD 378.65
  • EUR 430.07
  • RUB 6
  • CNY 55.1
22 Tamyz, 07:06:47
Senim údesinen shyqqan bank

24 Mamyr, 2019 Saıasat

Saılaýaldy debattyń kúni belgili boldy

Saılaýaldy debat úsh kezeńnen turady...

Qazaqstannyń prezıdenttigine úmitker kandıdattar saılaýdyń aldynda debat ótkizedi dep habarlaıdy Qamshy.kz aqparat agenttigi Qazaqstan Respýblıkasy Ortalyq saılaý komıssııasynyń múshesi Lázzat Súleımenovanyń málimdemesin negizge alyp.

2019 jylǵy 24 mamyrda Qazaqstan Respýblıkasy Ortalyq saılaý komıssııasynyń otyrysy ótip, qatysýshylar arasynda saılaýaldy debat ótkizý máselesi talqylandy. 

«Debatty 2019 jyly 29 mamyrda Nur-Sultan qalasynda ótkizýdi usynyp otyrmyz», - dedi Súleımenova.

Ortalyq saılaý komıssııasynyń apparatyna  atalǵan sheshimdi Qazaqstan prezıdenttigine úmitkerlerdiń saılaýaldy shtaby men "Habar" agenttigine habarlaý tapsyryldy. Sonymen qatar saılaýaldy televızııalyq talqylaý men debat ótkizý máselesi boıynsha "Habar" agenttigimen kelisim shart jasalady.

Debattyń birinshi kezeńiniń taqyryby – "Qazaqstannyń ekonomıkalyq damý basymdyqtary". Bul kezeńniń ózi eki bólimnen turady. Birinshi bólimde saılaýǵa túsýshilerdiń árqaısysy óziniń saılaýaldy baǵdarlamasyn tanystyrady. Ekinshi bólimde árbir qatysýshy qarsylastaryna suraq qoıyp, pikirtalas ótkizedi. Saılaýǵa túsýshiler  ózderiniń opponentterine eki suraqtan qoıyp, sondaı-aq eki suraqqa jaýap bere alady.

Ekinshi kezeńniń taqyryby – "Qazaqstannyń áleýmettik jańǵyrýy". Birinshi bólimde atalǵan taqyryp boıynsha sóz sóıleıdi. Ekinshi kezeńde júrgizýshi barlyq qatysýshylarǵa bir suraq qoıady.

Úshinshi kezeń – «Saılaýshylarǵa sóz». Bul kezeńde daýys berýshiler prezıdenttikke úmitkerlerge tikeleı saýal joldaı alady.

OSK-nyń aıtýynsha, debat 80 mınýtqa sozylýy múmkin.

Daıyndaǵan: Marjan Sábet

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir