• USD 378.65
  • EUR 430.07
  • RUB 6
  • CNY 55.1
18 Qyrkúıek, 14:04:47
Aýyl sharýashylyǵy mınıstrliginiń nazaryna! «Jem shóptiń baǵasy kúıip tur, "Qamshyńa" jazshy», – deıdi ákem

21 Mamyr, 2019 Saıasat

Toqaev: Halyq ókilderi bıýdjetti josparlaýǵa qatysýy tıis

Ákimderge aıtarym, jemqorlyqty túbegeıli joıý - sizderdiń jumystaryń

Nur-Sultan qalasynda Qazaqstan prezıdenti Qasym-Jomart Toqaevtyń tóraǵalyǵymen sybaılas jemqorlyqqa qarsy is-qımyl máseleleri jóninde keńes ótti dep jazady Qamshy.kz aqparat agenttigi prezıdenttiń baspasóz qyzmetine silteme jasap.

Jıyn barysynda Qazaqstanda jemqorlyqtyń dendep ketkenine alańdaýshylyq bildirip, bunyń qoǵamǵa qaýipti dert ekenin aıtqan Toqaev ony sheshý úshin bılik jeti negizgi shara usynyp otyrǵanyna toqtalǵan.

Sonymen qatar, prezıdent óziniń ustanymy retinde bıýdjet shyǵyndaryn josparlaýǵa halyq ókilderin qatystyrý ekenin aıtyp, budan el ekonomıkasy damyp, tıisinshe, halyqtyń ál-aýqatynyń artatynyna senim bildirgen.

"Ákimderge aıtarym, jemqorlyqty túbegeıli joıý - sizderdiń jumystaryńyzdyń negizgi kórsetkishiniń biri. Oǵan sizder tikeleı jaýaptysyzdar. Árbir eldi mekenniń óz bıýdjetine qaraı tórtinshi deńgeıli bıýdjet qurýdy aıaqtaý kerek. Meniń Prezıdent retindegi ustanymym bıýdjet shyǵyndaryn josparlaýǵa, ásirese óńirlerde halyq ókilderin qatystyrý kerek. Budan el ekonomıkasy damyp, tıisinshe, halyqtyń ál-aýqaty artady", – dedi Toqaev.

Sondaı-aq, jıynda Toqaev "eger qol astyndaǵy jumysshysy paramen ustalsa, memlekettik organdardyń basshylary jumystan ketýge ótinish jazýy tıis" dedi.

Toqaevtyń aıtýynsha, otstavkany qabyldaý nemese qabyldamaý - prezıdenttiń sharýasy, biraq basshylar jumystan ketý týraly ótinish jazýy mindet.

Daıyndaǵan: Mııat Káshibaı

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir