27 Qańtar, 2015 NEWS О́zgertý

Qabylbek Ramazanuly: Ákemniń Álıhan jaıly áńgimesi(vıdeo)

Byltyr bir sharýamen Balqash qalasyna barǵan edik. Sol saparymyzda suńǵyla bir qarııamen tanystyq. Ákesi Ramazan áıgili Álıhan Bókeıhanovtyń atqosshysy bolǵan...

Byltyr bir sharýamen Balqash qalasyna barǵan edik. Sol saparymyzda suńǵyla bir qarııamen tanystyq. Ákesi Ramazan áıgili Álıhan Bókeıhanovtyń atqosshysy bolǵan adam eken. Biz birer aıdan soń qarııaǵa qaıyrylyp soǵatynymyzǵa ýáde bergen bolatynbyz. Sol sertimizdiń sáti túsip, seksenniń altysyna qadam basqan Qabylbek aqsaqalmen alty saǵatqa jýyq dıdarlasyp, áńgimesin beınetaspaǵa jazyp aldyq.

Myna tómendegi janymyz aýyra otyryp jarty saǵatqa qysqartqan beınebaıan kóp áńgimeniń kózmonshaqtaı bir úzigi ǵana. Barlyǵyn tolyqtaı berýge kórermenniń ýaqytyn aıadyq.

Biz kóbinese Alash arystaryn aıtqanda siresken resmı datalar men dárejelerden (avtobıografııasynan) aryǵa bara almaı jatamyz. Al myna beınebaıannan Álıhannyń azamattyq ómiri men kisilik kelbetinen mol maǵlumat alasyzdar. Áńgime barysynda aıtylatyn kóshir (at arba tizginshisi) búgingi shofıor. Qurmetti oqyrman, osy oraıda sizge qoıar bir saýalym bar. Búgingi sheneýniktiń shofıori kún erteń bolǵanda sol bastyǵyn eńirep turyp eske alatynyna qanshalyqty senimdisiz? Árıne, beriler jaýaptyń qandaı bolatyndyǵyn ishimiz sezetin sekildi. Osy bir az ǵana derekten Álıhannyń «jaqsyda jattyq joq» degen qazaq ǵaqlııasyna tutas tulǵasymen úlgi bolǵandyǵyn kóremiz. Ámánda shyn zııaly «tolyq adam» osylaı bolsa kerek.

Aǵaıynǵa aıtpaǵymyz altyn ýaqytyńyzdyń jarty saǵatyn qıyp kórip shyǵyńyzdar. О́kinbeıtinderińizge ózim kepil.

http://youtu.be/V3Xs1UHLLgw