Atlantıda qupııasy qashan ashylady?

«Qazaq eli-550 jyl» shyǵarmashylyq

báıgesine

Beısenbaı Bekjan Kálenuly

                     Turanǵa jer júzinde jer jetken be?

                               Túrikke adamzatta el jetken be?

                               Keń aqyl, otty qaırat, júırik qııal,

                               Turannyń erlerine er jetken be?!

                                                           Maǵjan Jumabaev

Adamzatty órkenıetke úıretken «ustazdardyń ustazdary» -atlanttar týraly ańyzdyń bizge jetken alǵashqy deregi budan 2,5 myń jyl buryn jazylǵan eken. Sodan beri bul taqyrypqa jazylǵan eńbekterdiń sany myńdap sanalady. Pikirler san alýan. Keıbireýler atlanttar jer betinen joıylyp ketken halyq dese, tipti keıbireýler atlanttar- basqa planetadan kelgen jat planetalyqtar degendi durys kóredi. Aıtys áli tolastaǵan joq. Qaıta, ǵylym men tehnıka damyǵan saıyn qyza túsýde.

Nege qazirgi jerdiń astyn myńdaǵan shaqyrymǵa deıin zerttep, kosmostyń alys túkpirlerine sheıin qalt jibermeı qadaǵalap otyrǵan ǵalymdar bul aıtysty sheshýge qaýqarsyz? Buryndary bundaı talaı tartysty máseleler bolǵan. Biraq, keıin ǵylym damı kele olardy sheship, aıtys toqtaıtyn.

Mysaly: buryndary «máńgilik dvıgatel» («Perpetým mobıle») jasadym deýshiler de bolǵan. Talaı-talaı jobalar usynylǵan. Biraq, bir de bireýi dáleldenbedi. Keıinnen ǵalymdar Energııanyń saqtalý zańy boıynsha bul múmkin emestigin dáleldedi. Qazir bul aıtys toqtady.

Biraq, atlanttar týraly aıtys basylar emes. Nege?

Atlanttar týraly aıtys budan bir ǵasyr buryn-aq toqtaýy tıis edi. Sebebi, atlanttardyń qupııasy sol kezde-aq ashylyp qoıǵan. Biraq, bul jańalyqty moıyndaý qazirgi álemde ústemdik júrgizip otyrǵan kóptegen halyqtardyń tarıhyndaǵy ótirikti ashyp tastap, kimniń naǵyz «aqsúıek», al kimniń keshegi bodandar ekenin kórsetip qoıar edi. Bul árıne, búginge deıin ózderin taza qandy aqsúıek sanap, kókiregin kerip júrgen eýropalyqtar men evreı, orys, qytaılarǵa unamaıtyny belgili. Sondyqtan da olar shyndyqtyń ashylmaǵanyn, qaıta bul qupııanyń odan ári shatasa túskenin durys kóredi. Sol maqsatta sońǵy kezderi kóptegen ádeıi shatastyratyn «eńbekter» de jazylǵan. Sonymen qatar, shyndyqty ózderine qaraı burmalap jazǵan (mysaly: «Slavıandardyń soltústiktegi ataqonysy») eńbekter de az emes.

Atlanttar týraly eń negizgi jazba derek b.d.d. 428-348 jyldary ómir súrgen grek danyshpany Platonnyń «Tımeı» jáne «Krıtıı» atty eńbekterinde berilgen. Platon egıpettik abyzdyń «Bizdiń kóne jazbalarǵa sáıkes...» dep bastap, «...adam balasy ómir súrgeli jer betinde bolǵan uly jáne tamasha oqıǵalar osynda jazylyp, hramdarda saqtalǵan» dep kórsetken deregin qaıtalaıdy.

Prokl ( b.d. 412-485 jyldar) Solonnan 300 jyldaı keıin, shamamen b.d.d. 260 jyly Egıpette bolyp, Saıss qalasyndaǵy Neıt qudaıdyń ǵıbadathanasynda Atlantıdanyń tarıhy týraly jazylǵan ıeroglıf jazýlary bar tas baǵandardy kórgen Krantor degendi aıtady. Krantordyń aıtýynsha baǵandaǵy jazbalar Platonnyń jazǵandarymen sáıkes kelgen.

Egıpet abyzynyń sózi: «Bizdiń jazbalarǵa saı sizderdiń memleketterińiz bastaýyn Atlantıkalyq teńizden alyp, búkil Evropa men Azııany basyp alýǵa attanǵan sany sheksiz áskerı kúshke toıtarys bergen. Sizdiń tilińizde Gerakldiń baǵanalary dep atalatyn shyǵanaqtyń aldynda aral bolǵan. Bul aral óziniń ólshemi jaǵynan Lıvııa men Azııany birge qosqanda olardan asyp túsetin. Al ol araldan basqa aralǵa ótý, al ol araldan sol teńizdi qamtıtyn qarama- qarsy qurlyqqa ótý, óziniń atyna saı, sol kezdegi saıahatshylarǵa ońaı edi.

Atlantıda dep atalatyn osy aralda basqa da araldarǵa jáne qurlyqtyń jartysyna bıligi taraǵan tańdanarlyq uly patshalardyń odaǵy paıda boldy. Sóıtip olar buǵazdyń bergi jaǵynda Lıvııadan Egıpedke deıin, Evropadan Tırrenııaǵa deıin ıelendi.

Biraq keıinirek kóz kórmegen jer silkinisteri men topan sý ýaqyty kelgen kezde ...Atlantıda da tuńǵıyqqa batyp joq boldy.»

Atlanttardan qalǵan eń negizgi jádigerler Egıpet pıramıdalary. Osy pıramıdalardy salǵan atlanttar. Osy atlanttardyń tegi qandaı halyq ekeni anyqtalsa sol halyq jer betine órkenıetti taratqan tekti halyq- «adamzattyń ustazdary» ekeni dáleldenedi.

«Atlanttar basqa planetadan kelgen jat planetalyqtar» degen boljam da, sol sııaqty «jer betinen joıylyp ketken halyq» degen boljam da qate ekeni qazir anyqtaldy. Sebebi, sol atlanttardyń ókilderi Egıpettegi pıramıdalardyń ishine jerlengen, kezinde sol pıramıdalardy saldyrǵan perǵaýyndar. Pıramıdany ashyp, perǵaýyndardyń múrdesin zerttegen ǵalymdar olardyń eshqandaı da basqa planetadan kelmegenin, kerisinshe ózimiz sııaqty naǵyz adam ekenin anyqtady. Tipti, b.d.d. XIVǵasyrda Egıpetti bılegen Týtanhamon perǵaýynnyń DNK-syn anyqtap, R1b1a2 gaplogrýppasyna jatatyny anyqtalǵan.

Bul gaplogrýppanyń qazirgi Eýropanyń batysynda kóneden turyp kele jatqan halyqtar: baskiler, Ýelstiń turǵyndary, shotlandııalyqtar, ırlandııalyqtar arasynda kóptep kezdesetini; al kerisinshe Eýropaǵa keıinnen kelip qonystanǵan qazirgi Eýropanyń turǵyndary- úndieýropalyqtar arasynda tipten az ekeni anyqtaldy.

Sol sııaqty Reseıdiń eń sońǵy ımperatory Nıkolaı 2 Romanovtyń DNK-sy da dál osy R1b1a2 ekeni anyqtalǵan. Reseıdi 300 jyl bılegen Romanovtar men Sheremetovter áýleti XIII-ǵasyrda mońǵoldardan yǵysyp kelip, Novgorodqa qonystanǵan qypshaqtyń Qubyla hanynan taraıtyny bárine belgili. Sonymen birge bul gaplogrýppa túrik tekti halyqtar arasynda kóptep kezdesetini, Reseıdegi túrik tekti bashqurt halqy men túrkimen halyqtarynda óte joǵary ekeni anyqtalǵan. Al orys halqynyń quramynda R1b tobyna jatatyn adamdar 5%-ti quraıdy eken. Bul kezinde shoqynyp, orys halqynyń quramyna kirgen Qubyla hanzada sııaqty adamdardyń urpaqtary dep túsinýge bolady. «Túrik tekti orys famılııalary» degen eńbekte bul týraly jaqsy málimetter keltirilgen.

Ǵalymdardyń aıtýynsha gaplogrýppa R1b tobynyń basynda turǵan erkek budan 16000 jyl buryn R1 tobyna jatatyn adamnan ortalyq Azııada týylǵan. Al alǵashqy R1b1a2 gaplogrýppasynyń basyndaǵy erkek budan 9500 jyl buryn Qara teńiz jaǵalaýynda dúnıege kelgen dep esepteıdi.

Bul gaplogrýppa ókilderi batys Eýropaǵa b.dáýirimizden jeti myń jyl buryn kelip qonystanǵan deıdi ǵalymdar. Qazir osy gaplogrýppaǵa jatatyn adamdar Ispanııa men Fransııa jerinde turatyn bask halqynyń 88,1%-in, ıtalıandyqtardyń 40%-in, qazir Anglııa quramyna kiretin Ýels pen Shotlandııa, Irlandııa halyqtarynda 90%-ke deıin, belgııalyqtarda 63%, norvegterde 25,9%-i quraıdy.

Al atlanttardyń aty shyqqan qazirgi Mysyr jerindegi halyqtar arasynda bul toptyń úlesi 1%-tiń shamasynda ǵana. Sebebi, atlanttar urpaqtarynan bılik ketip, qanshama áýlet aýysqan saıyn atlanttardyń urpaqtary azaıa bergen. Qazirgi Mysyrdyń negizgi halqy arabtar.

Egıpet abyzynyń aıtqan derekterine qaıta oralaıyq. Abyzdyń aıtýynsha Gıbraltar buǵazynyń aldynda jatqan araldan bastalyp, qarsy jatqan Amerıka materıgine deıin sozylatyn araldar bolyp, ol araldar keıin ǵalamat jer silkinisteriniń áserinen sýǵa batyp ketken.

B.d.d.VIII-VII ǵasyrlardaǵy tarıhı jazbalarda Gıbraltar buǵazynyń syrt jaǵyndaǵy Ispanııa jerinde erte zamandarda qul ıelenýshi Tartess memleketi bolǵandyǵy týraly ańyzdar saqtalǵan.

«Metaldarǵa baı, topyraǵy qunarly Ońtústik Ispanııa jerinde bir kezderde órkenıeti damyǵan Tartess memleketi bolǵandyǵy týraly málimetter grek- rım tarıhı eńbekterinde kezdesedi. Bul ertedegi tarıhı kózderdiń málimetinshe úlken qalalary bolǵan, damyǵan jazýy bolǵan jáne Jerorta teńizi elderimen, Brıtan araldarymen tyǵyz baılanys jasap turǵan. Arheologııalyq qazbalar Ońtústik Ispanııanyń Kadıss túbegi aımaǵy ertedegi joǵary órkenıettiń mańyzdy ortalyǵy bolǵanyn dáleldeıdi. Tarıhı derekter osy jerde Tartesstiń bolǵandyǵyn kórsetedi».(Búkilálem tarıhy)

Qazirgi Ispanııa jerin mekendeıtin, halqynyń 88,1%-iniń DNK-sy R1b1a2 gaplogrýppasyna jatatyn bask halqy- kóne Tartestiń halqy-atlanttardyń urpaqtary. Al Italııa jerindegi halyqtyń 40%-in quraıtyn R1b tobyna jatatyndar- kóne etrýsk halqynyń qazirgi urpaqtary.

Pıramıdalar qazir Mysyr jerinen basqa Amerıka qurlyǵynan da, Qytaı men Tıbetten de, Qyrym men Bosnııadan da, Reseıdiń soltústiginde jatqan Kolsk jarty aralynan da, tipti Antarktıdadan da tabylǵan.

Amerıka qurlyǵyndaǵy pıramıdalardy salǵan túrik tekti halyqtar: maııalar, astekter, toltekter, sııý, kechýa halyqtary. Alla taǵalanyń túrikterge salǵan erekshe belgisi jańa týǵan náresteniń quıymshaǵynda bolatyn alaqandaı kókshil daq osy halyqtardyń nárestelerinde de bar. Tilderi de Altaı tilder tobynyń túrik halyqtaryna óte jaqyn.

Kezinde ıspanııalyq bask halqynan shyqqan bir mıssıoner Amerıka jerindegi Gvatemalalyq úndistermen aýdarmashysyz sóıleskeni týraly málimet bar.

Aǵylshyn ǵalymy Djeıms Cherchvard fınıkııalyqtardan qabyldaǵan grek álippesin maııa tilimen oqyp, úlken qupııanyń syryn ashady. Osy arqyly Jerorta teńizi aımaǵyndaǵy kóne Fınıkııa tili men Amerıka qurlyǵyndaǵy maııa halqynyń tili jaqyn ekenin bilemiz. Bunyń bári kóne Tartes tili de, kóne Fınıkııa tili de Amerıkalyq úndisterdiń tilimen, demek túrki tilderimen jaqyn ekenin bildiredi. Bask halqynyń DNK-sy men Amerıkalyq amerındter tobyna jatatyn halyqtardyń DNK-sy sáıkes kelgen.

     Bunyń bári atlanttar (ókili Týtanhamon) Atlant muhıtyndaǵy qarsy jatqan qurlyqqa (Amerıka) deıin jalǵasyp jatqan araldarynan Gıbraltar buǵazy arqyly keldi degen egıpettik abyzdyń deregine týra kelip tur.

Amerıka qurlyǵyndaǵy pıramıdalardy salǵan úndis halyqtary DNK-sy boıynsha túrikterge jaqyn ekeni dáleldengen.

Al Qytaı jáne Tıbet jerindegi pıramıdalardy Qytaılar, Qyrym men Reseıdiń soltústigindegi Kolsk jarty aralyndaǵy pıramıdalardy orystar, Eýropanyń ortasyndaǵy Bosnııa jerindegi keremet pıramıdalardy eýropalyqtar kúni keshege deıin jasyryp kelgen.

Qyrymnyń jerasty pıramıdalary Qyrymnyń eń qupııaǵa toly jumbaq salasy. Qyrym pıramıdalary týraly talas kem degende XX-ǵasyrdyń basynan beri aıtylyp keledi.

Qyrym pıramıdalaryn zertteýge ár kezeńde kóptegen zertteýshiler men tipti memlekettik ınstıtýttar talaptanǵan. 1926 jyly keńes úkimeti Qyrym pıramıdalaryn zertteýge arnaıy top qurdy. Ekspedısııa quramyna arheologtar men neıroenergetıkamen aınalysatyn qupııa laboratorııanyń qyzmetkerleri kirdi. Ekspedısııa jumysyn qatań qupııa jaǵdaıda ustady. Ekspedısııanyń jumysyn (oryssha VChK) BTK-nyń tóraǵasy Felıks Dzerjınskııdiń ózi baqylaýda ustady. Zertteýge basshylyqty qupııa neıroenergetıkalyq laborotorııanyń basshysy, neırofızıolog, týngýs meteorıti men kóne mádenıetterdi zertteýimen belgili Aleksandr Barchenko atqardy. Biraq bul ekspedısııa eshteńe tappady dep jarııalandy.

1942-1944 jyldary Qyrymdy jaýlap alǵan nemisterdiń «Anenerbe» uıymynyń ǵalymdary men ezoterıkteri de Qyrym pıramıdalaryn zerttegen. Biraq, olardyń ne tapqany týraly eshkim bilmeıdi.

Qyrym pıramıdalaryn alǵash ret 2001jyly Sevastopoldik ǵalym V.A.Goh tapty. Osy jyly Qyrym pıramıdalary qazirgi zamanǵy ozyq apparattarmen tekserildi. Jyl saıyn jańa pıramıdalar tabylyp jatty. Qazir olardyń sany 56-ǵa jetti.

Kolsk jartyaralynan tabylǵan pıramıdalar ǵalymdardyń aıtýynshy qazirge deıin jer betinen tabylǵan pıramıdalardyń ishindegi eń jasy úlkeni. Reseıdiń soltústiginde Fınlıandııaǵa jaqyn ornalasqan bul pıramıdalardyń jasy ǵalymdardyń esebinshi 9000 jyl. Bul pıramıdalardy zertteýge 1921jyly Búkilodaqtyq neıroenergetıkalyq ınstıtýtynyń laboratorııa meńgerýshisi Aleksandr Barchenkonyń basshylyǵymen ekspedısııa shyqqan. Ekspedısııa OGPÝdiń baqylaýymen júrgizilip, barlyq materıal jasyrylǵan.

1997 jyly ekinshi ekspedısııany uıymdastyrýshy ǵylym doktory V.Demın qaıtyp kele sala qaıtys bolǵan.

Tek 2007 jyly ǵalymdar men tarıhshylardan turatyn 18 adamdyq ekspedısııa ǵana maqsatyna jetti. Arnaıy quraldarmen teksergen ǵalymdar birneshe pıramıda taýyp, olardyń adam qolymen budan 9000 jyl buryn jasalǵanyn anyqtaǵan.

1994 jyly Bosnııa men Gersegovınanyń astanasy Saraevodan 22 km jerdegi Vısoko qalasy janynda serbter men bosnııalyq musylmandar arasynda soǵys júrip jatqan. Artıllerııalyq atqylaý kezinde qala turǵyndary Vısochısa taýynan bos keńistikten shyǵyp jatqandaı belgisiz gýil men tolqyndy estıdi. Vısoko qalasynyń turǵyndary qanshama urpaqtardan beri osy taýdyń aınalasynan úıdiń kórinetin betin sándeý úshin betinde belgisiz oıýlary bar qashalǵan tastar alyp júretin. Biraq, jumbaq taý týraly ańyzdan basqa eshkim eshteńe de bilmeıtin.

2005 jyly Latyn Amerıkasy pıramıdalaryn 15 jyl zerttegen táýelsiz zertteýshi Semır Osmanagıch Vısokoǵa keledi. Ol taý etegin azdap qazyp kórgen soń, Vısochısa taýy bıiktigi 220 metr úlken pıramıda degen batyl boljam jasaıdy. Taýdy qazý ondaǵan eriktilerdiń kómegimen 2006 jyly bastaldy. Kóp uzamaı tórt buryshty pıramıdanyń iri bloktary arshyldy. Spýtnıkten jáne vertoletten túsirilgen sýretter Eýropanyń eń úlken jáne eń alǵashqy pıramıdasyn dáleldep turdy.

Vısochısa taýy Meksıka pıramıdalaryna uqsas bolǵandyqtan Kún pıramıdasy dep ataldy. Egıpettiń eki ataqty ǵalymdary: geolog Barakat jáne arheolog El Hadıdı bul pıramıda bloktary óte kóne jáne qoldan quıylǵan beton degen qorytyndy jasady. Bosnııanyń geodezııa ınstıtýtynyń ǵalymdary pıramıdanyń tórt qabyrǵasy polıýsterge baǵyttalǵanyn anyqtady.

Jańa tehnıkanyń kómegimen júrgizilgen zertteý osy mańnan taǵy úsh pıramıda tapty.

Osylaısha Aı, Kún jáne Jer atalǵan úsh pıramıda ashyldy. Erte dúnıe qurylysshylary bul pıramıdalardy tabıǵı tóbelerdiń syrtyn qoldan quıylǵan plıtalarmen órip, baspaldaqty pıramıda etip jasaǵan eken. Keıinnen, pıramıdalardan birneshe shaqyrym jerden pıramıdalardyń astyna alyp baratyn bıiktigi kisi boıyndaı týnnelder tabylǵan. Jer astyndaǵy týnneldiń qabyrǵalary taspen órilgen. Osy órilgen tastardyń arasynan betinde rýna alfavıtiniń E jáne Y áripterine uqsas tańbasy bar ulken, beti tegistelgen tas tabylǵan.

Budan basqa betinde belgisiz tańbalary- jazýlary bar túrli materıaldar da tabyldy. Tańbalar rýna tańbalaryna qatty uqsaıdy. Rýna tańbalarymen uqsas belgiler kóp.

«Bosnııadaǵy pıramıdalar alqabynyń» keremetteri tipten kóp. Osy mańnan ǵalymdar Egıpettegi sekildi óte úlken bloktardan salynǵan qurylys tapqan.

Semır Osmanajıch bul pıramıdalardy budan 10-12 myń jyl buryn atlanttar nemese gıperboreılikter salǵan dep esepteıdi, jáne olardy ómirde bolǵan dep esepteıdi.

Eýropanyń keıbir ǵalymdary Vısoko qalasynda bir ret te bolmaı-aq bul pıramıdalardy qazýǵa qarsy boldy. Al pıramıdalar ashylǵan soń da túrli joldarmen ashylǵan jańalyqtardy moıyndamaýǵa tyrysýda. Tipti, Bosnııa pıramıdalaryn ashqan ǵalymdarǵa túrli jala jabýǵa tyrysqan Eýropanyń, Amerıkanyń ataqty ǵalymdary da boldy. Eýropa arheologtary ásirese Semır Osmanajıchtiń pıramıdalarǵa bergen jasyna qarsy boldy. Bárinen de bul pıramıdalardy salǵan atlanttar men gıperboreılikter degen Osmanajıchtiń sózi Eýropa ǵalymdarynyń órshelengen qarsylyǵyna tap boldy. Tipti Osmanajıchti jalǵan arheolog degen Eýropanyń ataqty ǵalymdary da boldy. Sonda da bolsa Eýropanyń qaq ortasynda adam qolymen salynǵan kóne zaman adamdarynyń týyndylary - pıramıdalar men saraı kompleksteri ashyldy.

Qytaı pıramıdalary.

XX ǵasyrdyń basynda eki avstralııalyq saýdager Qytaıdyń ortalyq bóligindegi Sychýan jazyǵynan júzden asa pıramıdany kóredi. Mońǵol shekarasyna jaqyn jergilikti monastyrdaǵy monahtan suraǵanda ol bul pıramıdalardyń «óte kóne» ekenin aıtqan. Monahtyń aıtýynsha bul pıramıdalar týraly jazylǵan jazbalarǵa 5000 jyldan asqan. Sondyqtan bul pıramıdalardyń jasy odan da aryǵa ketedi dep esepteıdi.

Monahtar bul pıramıdalar Qytaıdy basqa planetadan kelgen ımperatorlar bılegen kezde salynǵan deıdi. Bul Imperatorlar ózderin «temir aıdaharǵa minip, aspannan kúrkiretip Jerge túsken Kóktiń Ulynyń» urpaqtarymyz dep ataǵan. Pıramıdalardy salǵan osy kókten kelgender delinedi.

1994 jyldyń mart aıynda avstrııalyq Hartvıg Haýsdorf Qytaıdyń ortalyq bóligindegi Shensı provınsııasynyń ortalyǵy Sıan qalasy mańyndaǵy qytaıdyń sheteldikter úshin jabyq aýdanyna saıahat jasaıdy. Osy saıahaty kezinde ol barlyǵy 2000 sharshy shaqyrym jerge ornalasqan júzden asa pıramıdany kórgen, kınoǵa túsirgen. Qytaı úkimeti qazba jumystaryn júrgizýge tyıym salǵan. Bul pıramıdalardyń kópshiligi kesekten qalanǵandyqtan qazir toza bastaǵan. Sychýan jazyǵyndaǵy pıramıdalardyń bıiktigi 25 metrden 100 metrge deıin. Tek Sza Lın ózeni aımaǵyndaǵy Uly Aq Pıramıda dep atalatyn pıramıdanyń bıiktigi 300 metrdeı. Jaqynda qytaı úkimeti bul Aq pıramıda aımaǵyn jabyq aýdan dep jarııalady.

Qytaı jerindegi bul pıramıdalar Ortalyq Amerıka aımaǵyndaǵy pıramıdalarǵa qatty uqsaıdy. Qytaı jerindegi de, Ortalyq Amerıka jerindegi de pıramıdalardy bir adamdar salǵandaı.

Shensı ólkesi, Sıan mańyndaǵy pıramıdalar.

1945 jyly amerıkandyq áskerı ushqysh Djeıms Gaýssman Ortalyq Qytaıda Sıan qalasy mańyndaǵy Kın-Lın-Sıan taýynyń ústinen ushyp bara jatyp túsirgen Uly Aq pıramıda. Pıramıdanyń bıiktigi 300m tabanyndaǵy ár qabyrǵasy 500 metrden. Bul sýret AQSh-tyń áskerı arhıvinen lezde joǵalyp ketken.

1997 jyly Sıan mańynan Hartvıg Haýsdorf túsirgen pıramıda.

Qytaı úkimeti men qytaı arheologtarynyń pıamıdalardy jasyryp, bizde ondaı pıramıdalar bolǵan emes degenine qaramaı ǵalymdar olardyń bar ekenin dáleldeıdi.

Sıan mańynan nemis arheology Hartvıg Haýsdorf túsirgen sýretter.

Birneshe jyldan beri qytaılar bul pıramıdalardyń ústine tez ósetin aǵashtar men butalardy egip jatyr. Bul pıramıdalardy jasyryp, jaı tabıǵı tóbe dep kórsetkisi keletin sııaqty. Qytaı professory Sııa Naıadan «bul pıramıdalardy nege ashyp zerttemeısizder?» dep suraǵanda «Bul bolashaq urpaqtyń isi» dep jaýap bergen. Bul pıramıdalardy ashsa qytaılar jasyryp kelgen, qytaılar tarıhyna qatysty, múmkin adamzattyń kóne tarıhyna qatysty qazirgi aıtylyp júrgen derekterdiń tas talqanyn shyǵaratyn málimetter ashylatyn sııaqty.

Pıramıdalardyń kópshiligi Shensı ólkesindegi Sıan qalasy mańynda ornalasqan. Jarty mıllıon halqy bar Sıan qalasy mańynan ǵalymdar 17pıramıda kórgen. Ásirese shetkeri turǵan bir tóbesi tegis pıramıda Meksıka astanasy Mehıko janyndaǵy ataqty Teotıýakan pıramıdasyna qatty uqsaıdy.Bıiktikteri de birdeı.

   Pıramıdalardyń ornalasýy. Kosmostan túsirilgen sýret.

Qytaı pıramıdalarynyń salynýy týraly ańyzdar da kóne egıpet pıramıdalary men ońtústik Amerıka pıramıdalarynyń salynýy týraly ańyzdarǵa uqsas. Bul pıramıdalardy salǵan «Jerge mádenıet pen bilim ákelgen, óz mindetin oryndaǵan soń qaıtyp ketken qudaılar» degendi aıtady.

                                   Spýtnıkten túsirilgen sýretter.

Fýshıan Hý kóli. Kóne qalanyń zerttelgen aýdanynyń ózi Han dáýirindegi memleket astanasynyń aýmaǵynan úlken. Bul qala týraly kóne qytaı muraǵattary men kóne manýskrıptterde eshteńe aıtylmaǵan. Qytaılardyń ańyzda aıtylatyn joǵalǵan qalasy Iаlýnvan tek aǵash pen kesekten salynǵan bolýy múmkin. Al Fýshıan Hý kóliniń astynan tabylǵan qala egıpet jerindegideı tastan salynǵan, al órnekteri men olardyń oryndalý máneri jaǵynan egıpettikterden asyp túsedi. Fýshıan Hý kóliniń tek 3 sharshy shaqyrymy ǵana zerttelgen. Sonyń ózi de tańqalarlyq. Zertteýshiler 54 metrden asa tereńdikten bıiktigi shamamen 40 metrdeı 3 ten asa pıramıdalardy anyqtaǵan. Pıramıdalardyń arhıtektýrasy Maııa órkenıetine jaqyn, al ólshemderi (4-5m) Egıpettegi Gıza pıramıdasyna shamalas.Qytaı arheologtary bul qurylystardyń qytaı arhıtektýrasy men qytaı mazarlaryna jatpaıtynyn ádil moıyndaǵan. Kópshilik qytaı arheologtary bul qurylystardyń jasyn b.d.d. 5000 men 13000 jyldyń arasy dep boljaıdy. Naqty jasyn ǵalymdar anyqtap jatyr. Kóldiń túbinen jalpy aýmaǵy 2,4 sharshy km bolatyn qoldan jasalǵan úlken qurylys nysandary kórinedi. Úlken qurylys nysandarynyń jalpy sany segiz. Onyń ishinde arhıtektýrasy (kólemi de) Maııa pıramıdalarynan aýmaıtyn eki úlken baspaldaq jáne jumbaq úlken dóńgelek nysan. Úsh qurylys nysanynan turatyn bıik baspaldaqtyń tómengisi uzyndyǵy 60 m, eni 32 m, joǵarǵysy 18 m, bıiktigi 16 m bolatyn qurylys nysany sımmetrııaly salynǵan. Eń úlken qurylys nysanynyń bıiktigi 40 m, eń joǵarǵy tóbesi sý betinen 54 m, al tabany 97 m..   Fýshıan Hý kólindegi qurylystardyń ornalasýy. Qazirge 222 sharshy shaqyrym kóldiń tek 2,4 sharshy shaqyrymy ǵana zerttelgen. Fýshıan kóline qatysty ańyzdardyń ishinde quıryǵy balyqqa uqsas, denesi jylqy tárizdi teńiz jylqysy(Gıppokampýs,grekshe) týraly ańyz saqtalǵan. Kóne grek ańyzdarynda teńiz qudaıy Poseıdon arba jegilgen teńiz jylqysyn minetin.     Kól túbindegi qalanyń kórinisi. Qalada barlyǵy on jeti iri qurylys nysandary bar. Olar jasandy tastan jasalǵan. Ishindegi eń úlkeni eni 300 m bolatyn satyly pıramıda. Pıramıda túrli formadaǵy tastardan qalanǵan. Tastarda túrlishe geometrııalyq fıgýralar kórinedi. Qurylystarda jer silkinisi áserinen bolǵan jaryqtar baıqalady.     Sý asty qalasy sý betinen osylaı kórinetin.   Ǵalymdardyń esebinshe bul qurylysty salǵan erekshe órkenıetke (Belgisiz, qupııa kóne Dıan(Dıan) patshalyǵy) 5000 jyldan asady. Eksperttik keńestiń tóraǵasy Lı Kýnniń aıtýynsha bul qala sekildi neolıt dáýirine jatatyn qurylystar Qytaı jerinde kóptep tabylady. Uqsas dúnıeler ortalyq Mońǵolııada da kezdesedi. Odan keramıka ydysyna salynǵan sýretter tabylǵan. Bundaı kórinister Eýropa, Vengrııadan da tabyldy. Tas betine bederlep sýret salý bulardyń bárine ortaq uqsastyq. Jergilikti halyqta kól týraly kóptegen ańyzdar bar, solardyń ishinde; *Kóldiń hanzý tilinde de, gýandýn tilinde de ataýynda «kıeli» degen sóz kezdesedi; *Kólde teńiz jylqysy ómir súredi degen ańyz bar; *Jergilikti halyq arasynda kóptegen ǵasyrlar buryn sýǵa batyp ketken adamdary iri deneli, óte bilimdi ári baı «altyn qala» týraly ańyzdar óte kóp saqtalǵan.

      

PHOTO: Rama Naidu 31° 4'3.17"S 81°18'41.22"V Kaılasqa qatysty kóptegen ańyzdar saqtalǵan. Tórt álemdik din Kaılasty «kıeli» jer dep sanaıdy. Indýıster Kaılasty ǵaryshtyq álem ortalyǵy, osynda qudyretti qudaı Shıva turady, al onyń janynda ornalasqan Manasarovar kólin Bram qudaı jaratqan dep sanaıdy. Kaılas basyn qar japqan pıramıda formaly jáne qyrlary jerdiń tórt baǵytyna dál baǵyttalǵan. Oń jaq betinde tik jaryq bar, orta shamasynda kóldeneń jaryqpen qıysady. Bul svastıkany elestetedi. Bon dini boıynsha keıde Kaılasty «Svastıka taýy» dep te ataıdy. Indýızm dástúrine sáıkes Kaılasqa sáıkes keletin ańyzdaǵy Merý taýy bar. Mahabharatada ony «Tańǵy kún sekildi shuǵyla shashyp, shyńynda aspandy súıetin, tútinge oranǵan ot sııaqty ólsheýsiz ári kúnahar jandar úshin qol jetpes» dep sýretteıdi.

Ǵalymdardyń jobasynsha Sın Shı Hýandı ımperatordyń qazir betine tal egip topyraqpen kómip tastaǵan pıramıdasy osyndaı.

Endi osy málimetterdi qorytyndylasaq. Egıpet perǵaýyny Týtanhamonnyń DNK-sy-ol atlanttardyń DNK-sy, kóne Tartes memleketiniń halqynyń qazirgi urpaqtary-Basklerdiń DNK-symen, Anglııa jerindegi kóneden kele jatqan halyqtar shotlandtar men Ýelstiń halqynyń, Irlandııalyqtardyń jáne Batys Eýropanyń Atlant muhıty jaǵalaýyndaǵy kóneden kele jatqan halyqtardyń DNK –larymen birdeı kelýi olardyń tegi bir ekenin kórsetip tur. Al Eýropaǵa keıinnen kelgen qazirgi Eýropanyń negizgi halqy úndieýropalyqtarǵa kelmeıdi. Bul derekti Germanııa jerindegi úńgirden Eýropanyń eń alǵashqy turǵyndarynyń DNK-syn anyqtaǵan nemis ǵalymdary da dáleldegen. Ol DNK qazirgi eýropalyqtarǵa kelmeıdi, Kishi Azııa halyqtarynyń (túrikterdiń) DNK –symen birdeı dep jarııalady nemis ǵalymdary. Al Basklerdiń tili de, DNK-sy da (tegi) amerıkalyq túrik tekti úndis halyqtarymen jaqyn ekeni málim. Al amerıkalyq maııa, astek, sııý, kechýa, toltek t.b. halyqtardyń Altaıdan shyqqan Túrik tekti halyq ekeni daýsyz dáleldengen. Onyń ústine atlanttardyń tikeleı ókili-Týtanhamonnyń DNK-sy (tegi) R1b1a2 qazirgi túrik halyqtarynda kóptep kezdesetini atlanttardyń tegi túrik tekti halyq bolǵanyn naqty dáleldep tur.

«Qytaı jerindegi pıramıdalardy salǵan kim?»-degen suraqqa, monah, kóne jazbalarda «ózderin «temir aıdaharǵa minip aspannan kúrkiretip Jerge túsken Kóktiń Ulynyń» urpaqtarymyz dep ataǵan ımperatorlar» dep jaýap bergen. Pıramıdalardy salǵan osy kókten kelgender delinedi.

Túrik bıleýshileri ózderin «Kóktiń ulymyz» (Qudaı tektimiz-Kók Táńiriniń urpaǵymyz) dese, táńir dini boıynsha Kók Táńiriniń mekeni kókte-aspanda, sondyqtan da ózderin kóktegi Kók Táńiriniń urpaǵymyz, aspannan túskenbiz degen.

Egıpet perǵaýyndary da ózderin «qudaıdyń urpaǵymyz» dep ataǵan. Eskendir Zulqarnaıyn Mysyrdy baǵyndyrǵanda, mysyrlyq abyzdar ony perǵaýynnyń taǵyna otyrǵyzyp, «Ra qudaıdyń uly» dep jarııalaıdy. Mysyrdyń sol kezdegi eń qurmetti qudaıy Rany mysyrlyqtardyń túsinigi boıynsha qoshqar beıneli dep eseptegen. Sondyqtan da Eskendirdiń basyna Ra qudaıdyń belgisi qos múıizi bar dýlyǵa kıgizedi. Eskendirdiń «Qosmúıiz» atalýy sondyqtan.

«Kóktiń uldarynyń» temir aıdaharǵa mingenin bylaı túsindirýge bolady: temirdi alǵash ret ıgerip, paıdalanǵan túrikter ekeni qazir dáleldengen. Ony qazirgi zamanǵy arheologııa ǵylymy da dáleldedi. Ortalyq Azııa aımaǵynan kóne zamanǵy temir qorytatyn peshterdiń arheologtar talaıyn tapty. Al Eýropanyń eń kóne órkenıeti delinetin grekter Eskendir Zulqarnaıynnyń zamanynda da (b.d.d. IV ǵ.) temirdi ıgermegen. Qytaılar bolsa, bizdiń dáýirimizdiń basyna deıin temirdi túrikterden satyp alyp kelgen.

Túrikterde, olardyń muragerleri qazaqtarda da jaqyn kezderge deıin «Jylan qaıys» degen yrym, salt-joralǵy bolǵan. Bul joralǵy er bala «qoıan múshel»-4 jasqa tolǵan kezde jasalady. Belgilengen kúni balanyń týystary ustahanaǵa keledi. Temir ustasy kórikti qosyp, ata-anasynyń kózinshe balaǵa qarý, saýyt soǵady. Osydan soń, ustanyń ózi ústine saýyt kıip turyp, balany aıaǵynyń astynan ótkizedi. Birinshi ótkizgende balaǵa saýyt kıgizedi. Ekinshi ótkizgende qarý-jaraq asyndyrady. Saýyt kıingen usta men bala saýyttary bir qaraǵanda jylan qabyǵyna uqsaıdy. Sondyqtan bul joralǵy "Jylan terisimen kıindirý»-«Jylan qaıys» dep atalǵan. Áskerı demokratııa kezeńinde temirden qarý soǵatyn usta qurmetti óner-bilim ıesi dep qatty qurmetteletin bolǵan.

Al temirdi jerden qazyp alyp óndiretin bolǵandyqtan, jer betinde de ,jer astynda da ómir súre beretin jylan jer asty ǵylymyn meńgergen danyshpandyqtyń sımvoly esebinde kıeli sanalǵan. Túrikterdiń «jylan» taıpasy, orystardyń «Zmeı Gorýnıchi» osydan shyqqan sııaqty.

Kóneden kele jatqan mynandaı ańyz bar: «Tasqa bastyrylyp qalǵan jylandy qutqarǵan jigitti jylan jer asty patshalyǵyna alyp kiredi. Qyzyn qutqarǵan jigitke jylan patshasy-Bapy han syı jasaıdy. Jylan jigitti bir jutyp, qaıta qusqanda jigit saýytpen kıinip shyǵady. Ekinshi ret jutyp qaıta qusqanda bolat qarý-jaraqty bolyp shyǵady. Jigit «úshinshi ret jutpaısyz ba?»-dep suraǵanda, jylan patshasy, «úshinshi ret jutsam bútkil deneń, jańyń temirge aınalady. Adamdyq qasıetińnen aırylasyń» dep jaýap berip, jutpaı qoıady.»

«Jylan qaıys» jorasy osy ańyzǵa negizdelgen bolsa kerek.

«Árbir er azamat ásker» dep sanalatyn kóne túrki salty boıynsha bul jora er balanyń erlik ómirge qabyldanýy sekildi mańyzdy dástúrdiń biri bolǵan. О́zi de, astyndaǵy aty da bolat saýyt qursanyp, bolat qarýmen qurýlanǵan túrikter myńdaǵan jyldar boıy álemge ústemdik etip kelgeni osy óneri-temirdi ıgergeniniń arqasy.

Kóne zamanda qazirgi qytaı jerin jaýlap alyp, pıramıdalardy saldyrǵan túrik patshalary ózderin «Temir aıdaharǵa minip, aspannan túsken Kóktiń ulynyń urpaqtarymyz» -deýi osydan shyqqan bolsa kerek.

Keıbireýlerdiń «pıramıdalardy salǵan kókten túsken jat planetalyqtar» degeni osydan shyǵýy da múmkin.

   Endi osy derekterdiń barlyǵyn qorytyndylasaq:

• Egıpetti myńdaǵan jyldar boıy bılegen atlanttardyń DNK-sy (gaplogrýppa R1b1a2) Batys Eýropanyń Atlant muhıty jaǵalaýyndaǵy kóneden kele jatqan halyqtarda (mysaly bask halqynda) óte joǵary (90%-ke deıin). Bul DNK qazirgi túrki halyqtarynda da kóptep kezdesedi.
• Atlanttarmen týys bask halqy amerıkalyq túrik tekti halyqtarmen tili de, tegi de jaqyn.
• Osy atlanttardyń (R1b1a2) arǵy túbi (R1b) ǵalymdardyń esebi boıynsha budan 16000 jyl buryn Ortalyq Azııada paıda bolǵan.
• Qytaı jerindegi pıramıdalardy da salǵan túrik tekti halyqtar. Genetık ǵalymdardyń deregi boıynsha Soltústik Qytaıdyń halqynyń jartysyna jýyǵy túrik tekti.
• Amerıka qurlyǵyndaǵy pıramıdalardy da salǵan túrik tekti úndis halyqtary jáne olardyń Ortalyq Azııa túrikterimen týystyǵy dáleldengen.
• Ǵalymdardyń esepteýi boıynsha alǵashqy R1b1a2 gaplogrýppasyna ıe bolǵan erkek budan 9500 jyl buryn Qara teńiz jaǵalaýynda paıda bolǵan. Qyrym men «Bosnııadaǵy pıramıdalar alqaby» Qara teńiz aımaǵynda.
• Kóne grek ańyzdary boıynsha qudaıdyń ustahanasynan ot urlap, adamzatqa tehnıkalyq progresti sılaǵan Prometeıdiń mekeni skıfter mekendeıtin Kavkaz taýy mańaıy.
• Kóne grek ańyzdary boıynsha, shaýyp kele jatyp sadaqtan oq jaýdyratyn, denesi jylqy basy adam (atqa jabysyp qalǵan adam)-kentavrlar Prometeıge jaqyndyq tanytyp, Prometeı Kavkaz taýyna buǵaýlanǵanda janashyrlyq tanytady. Al kentavrlardyń kim ekenin aıtpasa da túsinikti shyǵar. Jylqyny alǵash ret qolǵa úıretip, m