KSRO-ny qaıta qalpyna keltirý – Pýtın úshin jeńis! - Zelenskıı

Bul týraly Zelenskıı brazılııalyq jýrnalısterge bergen suhbatynda málimdedi.

“Maǵan senińiz, Pýtın bizden qatty qorqady, men oǵan senimdimin. О́ıtkeni ol ózine senimsiz adam. Úlken armııasy bar, úlken memleketi bar senimdi adamdar álemdi ıadrolyq qarýmen qorqytpaıdy, erjúrek adamdar órkenıetke, Jerdiń tirshiligine, barsha tirshilik ıelerine ıadrolyq qarýmen qaýip tóndirmeıdi. Sondyqtan men úshin bul "túrdiń" psıhotıpi anyq. Osyny túsine otyryp, biz óz ustanymymyzǵa berik bolýymyz kerek”, – deıdi ol.

Ýkraına prezıdenti óz eliniń Eýropalyq Odaqqa kirý josparynan bas tartpaıtynyn atap ótedi. Buǵan qosa, ol Ýkraınanyń sheginýge barmaıtynyna jetkizdi.

“Pýtın úshin – jeńis basqa halyqtar men basqa da táýelsiz elderdi joıý arqyly Keńes Odaǵyn qalpyna keltirý degen sóz. Sondyqtan Ýkraına eshqaıda sheginbeıdi. Kóreıik, bizde tıisti tehnologııalar bar, biz seriktesterden jetkizilim bolýy úshin kúresip jatyrmyz. Barlyǵy ońaı emes, eıforııa joq. Biraq eshkim qol qýsyryp otyrmaıdy”, – deıdi Zelenskıı.