22 Sáýir, 2024 Barlyq aımaqtar
Almatyda 135 adamdy kene shaqty
Almatyda 135 adamdy kene shaqty. Olardyń arasynda 84 bala. Bul týraly óńirlik kommýnıkasııalar qyzmetinde ótken brıfıngide qalalyq sanıtarııalyq-epıdemıologııalyq baqylaý departamentiniń ókili málim etti.
Kórneki sýret
Almaty qalasy sanıtarlyq-epıdemıologııalyq baqylaý departamentiniń ınfeksııalyq jáne parazıttik aýrýlardy epıdemıologııalyq baqylaý bóliminiń basshysy Almash Ahmetovanyń sózinshe, 1 naýryzdan bastap kene ınfeksııalaryna jáne halyqtyń kene shaǵýyna baılanysty medısınalyq uıymdarǵa ótinishterine apta saıyn monıtorıng júrgiziledi.
«Epıdemııalyq maýsymnyń basynan beri medısınalyq uıymdarǵa kene shaqqan 135 adam júgindi, onyń 84 bala. Kórsetkish 2023 jyldyń sáıkes kezeńimen salystyrǵanda 7,3%-ǵa joǵary. Barlyǵyna shuǵyl medısınalyq kómek kórsetildi. Kórsetkishter boıynsha kenege qarsy ımmýnoglobýlın engizildi», — dedi Almash Ahmetova.
Spıkerdiń sózinshe, Almaty qalasynyń mańy kene ınfeksııalarynyń tasymaldaýshysy ıksod keneleri taralǵan endemııalyq aımaqqa jatady.
«Osy jyldyń basynan beri qalada kene ınfeksııasy tirkelgen joq. Almatyda kene shaǵýynan zardap shekken adamdarǵa shuǵyl kómek kórsetý medısınalyq uıymdardyń 5 travmatologııalyq pýnktinde júzege asyrylady. Seroprofılaktıka pýnkteri kenege qarsy ımmýnoglobýlınmen qamtamasyz etilgen, qazir 19 lıtr 766 ml bar», -dedi maman.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir