Astanalyq oqýshy mekteptiń 4-shi qabatynan sekirip ketken

Astanada №72 mektep-lıseıiniń segizinshi synyp oqýshysy mektep terezesinen sekirip ketken. Oqýshynyń áreketine ne sebep bolǵany belgisiz. 

Oqıǵa ornynda dereý jedel járdem shaqyrylǵan. Dárigerlerdiń aıtýynsha, qazir balanyń jaǵdaıy aýyr. 

"Zardap shegýshiniń mıy shaıqalǵan, keýdesi men ishi jaraqattanǵan, oń jaq bilegi men oń aıaǵy synǵan. Qazir bala dárigerlerdiń baqylaýynda", – dep málimdedi elordanyń bilim jáne densaýlyq saqtaý basqarmasynyń ókili.