Merzimdi basylymdardy joǵaltyp jatyrmyz – vıse-mınıstr

Májiliste «Memlekettik aqparattyq saıasatty jetildirý jáne óńirlik buqaralyq aqparat quraldaryn, onyń ishinde baspa basylymdaryn memlekettik qoldaý» zań jobasy talqylanýda.

Mádenıet jáne aqparat vıse-mınıstri Qanat Ysqaqov dóńgelek ústel barysynda merzimdi basylymdardyń búgingi jaǵdaıyna toqtaldy. Onyń sózinshe, merzimdi basylymdardy joǵaltyp jatyrmyz.

991 jyly resmı tirkelgen BAQ sany – 350 edi. Qazir 4 myńǵa jýyǵy tirkelgen. Sonyń 70%-y baspa basylymdary. Kóbisiniń sany bar, biraq merziminde shyǵyp otyrǵan joq, - dep atap ótti ol.

Sondaı-aq ol jańa zań jobasynyń negizinde gazetke jazylýshylardyń sanyn kóbeıtý úshin jumys jasaý kerektigin aıtady.

-Zań jobasyndaǵy basty strategııalyq máselelerge toqtalsam. Eń bastysy jýrnalıstiń mártebesi. Depýtattardyń bastamasymen sotqa berý jyly 1 jylǵa deıin qysqartyldy. Ekinshiden jýrnalısterdi qorǵaý máselesi. Tótenshe jaǵdaı oryn alǵanda tıisti quraldarmen jabdyqtaý. Úshinshiden – aqparattyq qaýipsizdik degen sekildi ózgerister engizilgen. Biz jumysty jalǵastyryp jatyrmyz, - dep atap ótti.