Qaıyrymdylyqqa jınaǵan 2 mlrd teńge qoldy boldy

Qarjy monıtorıngi agenttiginiń baspasóz qyzmetiniń málimdeýinshe, túrli kúmándi maqsattarǵa aqsha jınaýǵa 138 banktik karta (kraýdfandıngke) tartylǵan.

Jalǵan kómek suraýshylarǵa 660 myńnan astam qazaqstandyq óz aqshalaryn joldaǵan.

Bul týraly QMA alańynda Dmıtrıı Malahovtyń tóraǵalyǵymen ótken Qylmystyq jolmen alynǵan kiristerdi zańdastyrýdyń (jylystatýdyń) aldyn alý jáne terrorızmdi qarjylandyrý men jappaı qyryp-joıý qarýyn taratý máseleleri jónindegi vedomstvoaralyq keńestiń kezekti otyrysy barysynda belgili boldy.

Jalpy jınalǵan qarjy somasy 6 mlrd teńgeni qurady, onyń 33% (2 mlrd) alaıaqtyq belgileri bar.

Áleýmettik jelilerde ujymdyq qarajat jınaýdyń qaýipteri jáne olardy odan ári maqsatsyz paıdalaný anyqtaldy.

QMA basshysy D. Malahov josyqsyz azamattar "em" jáne "jaǵdaıy tómen adamdarǵa kómek kórsetý" úshin qaıyrymdylyq qyzmeti men kómek kórsetý túrindegi qarajat jınaýdy kedergisiz jáne baqylaýsyz júzege asyratynyn ataı otyryp, alaıaqtar aqshany jyljymaly jáne jyljymaıtyn múlikti satyp alýǵa, turmystyq shyǵyndarǵa, býkmekerlik keńselerde bás tigýge jáne sheteldegi qymbat páterlerdi jalǵa alýǵa jumsaıtynyn tilge tıek etti. Sondaı-aq janashyr azamattardyń jaqsy nıeti, "jalǵan" muqtajdar úshin ońaı tabysqa aınalýy múmkin ekenin aıtady.