Vıdeodan skrınshot
Reseıdiń federaldyq qaýipsizdik qyzmeti (FSB) Máskeýdegi sınagogalardyń birine shabýyldamaq bolǵandardyń joly kesilip, atys kezinde Qazaqstannyń eki azamaty óltirilgenin habarlady. Bul týraly reseılik ASTRA telegram arnasy jazdy.
FSB málimetinshe, qaza tapqandardyń biri 35 jastaǵy Sábıt Áshirálıev, ekinshisi 32 jastaǵy Jánibek Tasqýlaev esimdi azamattar. Olar "Islam memleketi" radıkaldy tobyna jatatyn "Horasan ýálaıaty" atty bólimsheniń múshesi retinde kórsetilip, Reseı aýmaǵyna 28 aqpan kúni barǵany aıtylǵan.
Qazaqstannyń UQK qaza tapqandar Qazaqstan azamaty ekenin rastady.
"BAQ-ta Reseı Federasııasynda Qazaqstannyń eki azamatynyń terrorlyq akti jasaýdy uıymdastyrýǵa áreketi kezinde Reseıdiń kúshtik qurylymdarymen kózi joıylǵany týraly aqparat jarııalandy. Bul adamdardyń Qazaqstandyq azamattyǵy jáne Reseıge shyqqandyǵy rastalady. Kórsetilgen fakti boıynsha UQK sotqa deıingi tergep-tekserý júrgizýde. Tekseris yntymaqtastyq arnasy aıasynda Reseı FQQ-men tyǵyz baılanysta júzege asyrylýda" delingen UQK habarlamada.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir