01 Naýryz, 2024 Almaty
Almatyda júkti kelinshek 18-qabattan sekirip ketti
Qaıǵyly oqıǵa "Manhetten" turǵyn úı kesheninde bolǵan. 2021 jyly 31 qańtarda naq osy turǵyn úı kesheninde 16 jastaǵy boıjetken bıikten qulaǵan bolatyn. Sol jyly jeltoqsanda 2005 jylǵy jasóspirim de osylaı mert. bolǵan.
Ashyq derekkózden alyndy
Almatyda Almaly aýdanyndaǵy turǵyn úı kesheninde júkti jas kelinshek 18-qabattan sekirip ketti.
Oqıǵa 1 naýryzda saǵat 12.20 shamasynda, Almaly aýdanyndaǵy "Manhetten" turǵyn úı kesheninde bolǵan. Oqıǵanyń vıdeosy jelide tarady.
Vıdeodan jedel járdem qyzmetkerleri men sol mańnan ótip bara jatqan adamdar tas jolda jatqan adamnyń janyna topyrlap jınalyp turǵanyn kórýge bolady. Al jazba sıpattamasynda jas qyzdyń 18-qabattan sekirgeni ári onyń ekiqabat ekeni aıtylǵan.
"Atalǵan fakt boıynsha Almaly aýdandyq PD sotqa deıingi tergeý amaldaryn qolǵa aldy, istiń mán-jaıy tergeý barysynda anyqtalady", deıdi qalalyq polısııadaǵylar.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir