Jetisý oblysyndaǵy sapasyz jol: eks-shendige qatysty sot úkimi shyqty

Jetisý oblysynda Jolaýshylar kóligi jáne avtomobıl joldary basqarmasynyń burynǵy basshysy qyzmettik ókilettigin asyra paıdalanǵany úshin sottaldy.

2023 jyly erigen sýdyń shaıyp ketýinen búlingen Kerbulaq aýdany Malaısary beketine aparatyn jol qoǵamdyq narazylyqty týdyrǵan.

Keıin prokýrorlyq tekserý barysynda atalǵan aýmaqta jóndeý jumystaryn júrgizý kezinde óreskel buzýshylyqtar oryn alǵany anyqtaldy.

Osydan keıin arnaıy prokýrorlar Qylmystyq kodekstiń 361-babynyń 4-bóligi, 3-tarmaǵy boıynsha sotqa deıingi tergep-tekserýdi bastady.

"Tergeý jumystary aǵymdaǵy jóndeý jumystary sııaqty kórsetip jobalyq-smetalyq qujattama jasamaǵan jáne saraptama júrgizilmegenin anyqtady. Sonyń saldarynan sý burýdyń syıymdylyq qýattylyǵy eseptelmegen, jumys sapasy qamtamasyz etilmeı, joldyń buzylýyna ákep soqqan. Memleketke keltirilgen shyǵyn 22 mıllıon teńgeden astamdy qurady" dep habarlady Jetisý oblysynyń prokýratýrasy.

Alaıda, quzyrly vedomstvo óz kinásin moıyndaǵannan keıin sottalýshynyń jasyn jáne keltirilgen zııandy tolyq ótelgenin eskere otyryp, sot bas bostandyǵynan aıyrýǵa baılanysty emes jaza taǵaıyndalǵanyn naqtylady.

Úkim zańdy kúshine engen joq.