Qazaq tili qazaqqa ólgende ǵana kerek

Qostildi, biraq qujaty oryssha júretin Qazaqstan bolǵan soń, solaı endi...

Orys tiliniń búkil zańdylyǵyn buljytpaı saqtaıtyn, saqyldap qalǵan qatqan qoǵam qalyptasqan Qazaqstanda.

Qazaqstannyń orystildi qoǵamy qazaqtyń árbir ataýyn, tipti adam esimine deıin orysshaǵa salyp jazady.

Ras, Kýlıbaev degen bir adam, Qulybaev degen basqa bireý eken dep oılap qalýǵa bolady. Bir adamdy qashanǵy ekeý qylyp júrer ekenbiz?

Shókeıden taraǵan bozbala О́mirzaq 80-shi jyldary Máskeýge oqýǵa Ýmırzak Shýkeev bolyp túsken shyǵar. Erteń 60-qa tolaıyn dep otyr. "Ýmırzak Shýkeevti 60-qa tolýymen Ashımbaev" quttyqtady dep oryssha habar taraıdy erteń.

Áıelin óltirgen Bıshımbaevty sýdıa Kýlbaeva sottaıdy erteń. Al, uǵyp kór, Kólbaeva ma, Qulbaeva ma eken ol?

Qazaqtyń aty men tegin áli kúnge bir izge túsirmegen el bop otyrmyz. Qazaqtyń áripterin, atasynan qalǵan esim-soıyn moıyndamaıtyn memleket bop turmyz.

Esesine, tirisinde "meniń aty-jónim baspasózde qazaqsha jazylsyn" dep talap etpegen kez-kelgen sheneýniktiń ólgennen keıin zıratyn qarasaq, onda aty-jóni taza qazaqsha, rýy-tegine deıin túgendelip turyp jazylady. Tirisinde kerek qylmaǵan qazaq áripterin ólgen soń zıratyna túgin qaldyrmaı tizip qoıady.

О́mirin jalǵan esimmen ótkizetin qaıran qazaq. Qazaqtan shyqqan shendiler májilis spıkeri bolǵan Nurlan Nyǵmatýllın qurly joq. Ol ulty basqa ekenin bildirmeý úshin tegindegi eki "l" áripiniń bireýin alyp tastaýdy ótinetin baspasóz qyzmetinen.