13 Aqpan, 2024 Quqyq
"Halyqaralyq jasyl tehnologııalar jáne ınvestısııalyq jobalar ortalyǵy" JShS-nyń basqarma tóraǵasy ustaldy
Shendi Birikken Arab ámirliginde 2023 jyly 30 qarasha men 12 jeltoqsan aralyǵynda ótkizilgen kórmege bólingen qarajatty «jep qoıǵan» bolýy múmkin. Qazir Antıkor tergeý sharalaryn júrgizip jatyr.
igtipc.org
Keıbir BAQ-taǵy derekterge súıensek, ol Dýbaıdaǵy pavılonǵa bólingen 270 mıllıon teńge kólemindegi qarajatty urlady degen kúdikke ilingen.
Aıta ketsek, ótken aptada Antıkor Astanada jemqorlyq isi boıynsha QR Ekologııa jáne tabıǵı resýrstar vıse-mınıstri Mansur Oshýrbaevqa qatysty tergeý júrgizilip jatqanyn habarlaǵan. Onyń da Dýbaıdaǵy kórmege tikeleı qatysy bar. Biraq budan ózge aqparat tergeý múddesi turǵysynda jarııa etilmeı otyr.
2024 jyly 5 aqpanda tergeý toby Oshýrbaevtyń qyzmettik keńsesinde tintý júrgizip, birqatar qujattardy tárkilegen. Odan keıin vıse-mınıstrdiń qamaýǵa alynǵany da belgili boldy.
Al Halyqaralyq jasyl tehnologııalar jáne ınvestısııalyq jobalar ortalyǵy – kommersııalyq emes aksıonerlik qoǵam. Oljas Aǵabekov bul mekemege 2022 jyly qyrkúıekte basshy bolyp kelgen.
Oljas Aǵabekov 1984 jyly Qaraǵandy oblysy, Balqash qalasynda dúnıege kelgen. Qazaq gýmanıtarlyq zań ýnıversıtetin «Quqyqtaný» mamandyǵy boıynsha bitirgen.
Eńbek jolyn 2007 jyly «Munaı saqtandyrý kompanııasy» AQ-da menedjer laýazymynan bastaǵan.
Sondaı-aq, «Almaty elektr stansııalary» AQ, «KEGOC» AQ, Jambyl oblysy ákiminiń apparatynda, Jambyl oblysynyń kásipkerlik jáne ındýstrııalyq-ınnovasııalyq damý basqarmasynda jumys istedi.
2016 jyldan bastap 2022 jyldyń qyrkúıegine deıin – QR Energetıka mınıstrliginiń Klımattyń ózgerýi departamenti dırektorynyń orynbasary, QR ekologııa, geologııa jáne tabıǵı resýrstar mınıstrliginiń Klımattyq saıasat jáne jasyl tehnologııalar departamentiniń dırektory bolyp qyzmet atqarǵan.
Prezıdenttik Jastar kadrlyq rezerviniń múshesi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir