«Osy aradan ustańdar!». Shymkent ákimi jınalys ústinde Antıkor qyzmetkerlerin shaqyra saldy

«...Aramyzda satqyndar bar. Aıtqan sózge, ýájge toqtamaǵan, byltyrdan beri qansha sóz aıtsaq ta, tyńdamady, artymyzdan pyshaq suqqanmen birdeı boldy», degen qala ákimi ústel basyna jınalǵandardyń kózin baqyraıtyp jiberdi.

Munymen toqtamaǵan ákim zalǵa apyr-topyr kirip kelgen Antıkor qyzmetkerlerine: «Osy aradan ustańdar!», dep buıyrdy.

Jınalys ústinde ustalǵan Turǵyn-úı basqarmasy basshysy mindetin atqarýshy shendi bolyp shyqty.

«Áriptester, meni durys túsinińizder. Mende basqa amal qalmady. Bes aı boldy, adalynan jumys isteıik dep aıtyp kele jatqanyma», - deıdi qala ákimi ókinishin bildirip.

Aıta ketsek, kúni keshe Memleket basshysy Qasym-Jomart Toqaev Úkimetti otstavkaǵa jiberdi. Bul aldaǵy ýaqytta mınıstrlikten bastap óńirlik deńgeılerge deıin kadrlyq aýys-túıis bolatyndyǵyn bildiredi. Shymkent qalasy ákiminiń soǵan sáıkes bul aldyn ala jasaǵan qamy ma, álde kezdeısoqtyq pa, ol jaǵyn biz bilmedik...

Al atalǵan jıynnyń vıdeosymen myna silteme arqyly tanysa alasyzdar.