17 Qazan, 2023 Áleýmet
Beıjińde Ábý Nasyr Ál-Farabıdiń bıýsti ashyldy
QHR bilim mınıstriniń orynbasary Van Gýanıan, ýnıversıtettiń Partııa komıtetiniń hatshysy Nı Haıdýn, rektory Dýan Pen jáne Memleket basshysyna sabaq bergen ýnıversıtet professory Lıý Shısın, sondaı-aq QHR Memlekettik óner murajaıynyń dırektory, músin avtory Ý Veıshan ashylý rásimineqatysty.
ǵalamtor jelisinen alyndy
Qasym-Jomart Toqaev eń aldymen, Ál-Farabıdiń álemdik órkenıetke qosqan zor úlesine aıryqsha toqtala otyryp:
«Onyń shyǵarmalary – álemdik aqyl-oıdyń altyn qoryna qosylǵan qundy qazyna. Ál-Farabıdiń 1150 jyldyǵy IýNESKO-nyń ataýly kúnderiniń jahandyq tizimine engizildi. Biz 2020 jyly osy mereıtoıdy erekshe atap óttik. Halyqaralyq ǵylymı sımpozıýmdar, konferensııalar uıymdastyryldy. Monografııalar men jınaqtar basyp shyǵaryldy. Derekti fılmder túsirildi. Munyń bári Ál-Farabıdiń eńbekterin tereń túsinýge múmkindik beredi, onyń mol murasyn jan-jaqty nasıhattaýǵa jol ashady. Endi Qytaı ǵalymdary men jastaryna fılosof jaıly birqatar ǵylymı eńbekter qoljetimdi bolady. Osy qundy derektermen, eń aldymen, Beıjiń Til jáne mádenıet ýnıversıtetiniń oqytýshylary men stýdentteri tanysa alady. Bul – qýantarlyq jaıt. Men de kezinde osy oqý ornynda týra qyryq jyl buryn bilim aldym. Sondyqtan búgin Ábý Nasyr Ál-Farabıdiń músinin ashý – men úshin zor mártebe», – dedi .
Sondaı-aq ol uly oıshyldyń murasy bilim ordasynda jan-jaqty zertteletinine, sol arqyly mádenı baılanystarymyz nyǵaıa túsetinine senim bildirdi. Sonymen qatar osy bastamaǵa qoldaý bildirgen Qytaı Úkimetine, Beıjiń Til jáne mádenıet ýnıversıtetine, Qytaıdyń Memlekettik óner murajaıyna jáne kórnekti músinshi Ý Veıshanǵa zor rızashylyǵyn bildirdi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir