Mektepte qaǵazbastylyq joıylady. Arnaıy buıryq shyqty

QR Bilim jáne ǵylym mınıstri Ashat Aımaǵambetov balabaqsha, mektep pen kolledjde qaǵazbastylyqtan arylatyn kún kelgenin málimdedi, dep habarlaıdy QazAqparat.

– Pedagogtardan negizgi tórt qujat talap etiledi. Onyń ishinde muǵalim tek ekeýin ǵana kúndelikti júrgizip otyrady. Olar: dástúrli sabaq jospary men synyp jýrnaly. Qalǵan qujattar, ıaǵnı kúntizbelik-taqyryptyq josparlaý (KTJ) men jetekshilik boıynsha qujat bar. Demek qujattar tizimi naqty bekitildi. Qazir orta bilim dárejesinde ony qatań saqtaý kerek, – dedi Ashat Aımaǵambetov Bilim jáne ǵylym mınıstrliginiń apparattyq otyrysynda.

Mınıstrdiń aıtýynsha pedagogty qosymsha qujat toltyrýǵa mindettegenderge iri kólemde deıin aıyppul salý kózdelgen.

– 1 sáýirden bastap bilim sapasyn qadaǵalaý departamentteri osyndaı quziretke ıe boldy. Olar artyq qaǵazbastylyqty men muǵalimdi mindetinen tys jumysqa tartý máselesin qatty qadaǵalaýy kerek. Bul máselege núkte qoıýýymyz kerek. Balabaqsha, mektep, kolledj bolsyn – qaǵazbastylyqtan arylatyn kún keldi. Naqty buıryq shyqty. Daıyn. Tıisti shara qoldanatyn mekemeler bar. Zańda jáne ákimshilik kodekste tıisti normalar, sanksııalar men aıyppuldar qarastyryldy. Sondyqtan bul máseleni kúndelikti óz baqylaýymyzda ustaıtyn bolamyz. Qaǵazbastylyq múlde joıylady. Buıryq tirkeýden ótti. Jergilikti departamentter bul máseleni qatań baqylaýda ustaýy kerek, – dedi Ashat Aımaǵambetov.