Dos Kóshimniń qyzy: Ákem sııaqty qazaqtar úshin áli eshkim eshteńe istegen emes

Ámirjan Qosanovtyń saılaýaldy baǵdarlamalarynda birge úgit-nasıhat júrgizgen Dos Kóshimniń qyzy Aına Dosqyzy óz áleýmettik jelisinde ákesi týraly pikir qaldyrdy.

"Ákeme qatysty. Birden eskertemin: kez kelgen negatıvti komment blokqa ketedi. Sebebi, ákem sııaqty qazaqtar úshin áli eshkim eshtene istegen emes. Sondyqtan, ózderi ISPEN eshqandaı úles qospaǵan adamdar óz pikirin jazýǵa xaqy joq dep oılaımyn.

✅ Ákem oppozısıoner emes, ol - ultshyl. Árqashan ózin solaı ataǵan. Jýrnalıstterdiń ony oppozısıoner dep ataýyn esepke alsaq ta, qazir solardyń ishindegi bılikte eshqashan qyzmet etpegen jalǵyz adam (30 jylǵy "oppozısııa" buryńǵy bılik ókilderinen turatynyn bilemiz).
✅ Osydan 3 jyl buryn qazaqtyń jerin Qytaıǵa satqyzbaýda qansha shyryldap júrdi. Bilesizder ózderińiz.
✅ 2002 jyly О́zbekstanǵa qazaq jerin bermeý úshin mıtıng uıymdastyryp, bir aımaqty qaıtaryp aldy.
✅ Monǵolııadan qazaq oralmandaryn elge qaıtardy.
✅ Qytaıdan qaıta almaı, shekarda bir aıy boıy jatqan oralmandar úshin júgirip, elge ákeldi.
✅ Shańyraq oqıǵasyna qatysqan 25 azamatty qorǵap shyqty.
✅ Qazaqstanda EShQAShAN BOLMAǴAN saılaýdy baqylaýshylar ınstıtýtyn qalyptastyrdy. Ákeme deıin saılaýda baqylaýshylar bolmaıtyn. Baqylaý baǵdarlamasyn jasap, búkil baqylaýshylardy oqytqan adam. Qazirgi baqylaýshydardyń bar bolǵany, zań buzýshylyqtardy siz kórgenińiz - ákemniń arqasy.
✅ Qazaqstan boıynsha qazaq famılııalar "-uly", "-qyzy" dep jazylýyna bólek eńbek etti.
✅ Táýelsizdik alǵannan keıin talaı orys mektepterin qazaqshalady, ne qazaq synyptaryn ashtyrtty.
✅ Jer-sý attaryn qazaqshalý týraly zań jasasty.
✅ Birneshe áskerı bólimshelerge qazaq batyrlardyń atyn berýdi talap etti da, ózgertti.
✅ Bir de bir qazaq jáne ózge ult arasyndaǵy shıelenisti jiberip almaı (Shelek oqıǵasy, t.b.), qazaqtardyń múddesin qorǵap shyǵyp, kináli adamdardyń jazalanýyna qol jetkizdi.
✅ Bılikke qarsy bolǵany úshin jumystan sonaý 99 jyly shyǵaryldy.
✅ Bılikke qarsy bolǵany úshin, ádil saılaýdy talap etkeni úshin birneshe ret sottaldy, jaýapqa tartyldy, t.b.
✅ 86 jylǵy Jeltoqsan oqıǵasynyń qatysýshysy, ári sol monýmenttiń alańǵa ornatylýynyń ınısıatory.
✅ Orys tildi oblystarda balalaryn qazaqsha oqytý boıynsha talaı aǵartýshylyq jıyndar uıymdastyrdy.

✅t.b. О́TE KО́P jumystar.
.
Ákeme bılik te, ataq ta kerek bolǵan emes. Bar oılaǵany - qazaqtyń múddesi",- deıdi Aına Dosqyzy.

Derekkóz: Aına Dosqyzynyń Instagram paraqshasy