20 Mamyr, 2017 NEWS
ULY JIBEK JOLY. TARAZDAN ShYQQAN KERÝEN ASTANAǴA JOL TARTTY
Taraz qalasynan shyqqan avtokólikter men avtobýstar ilesken 70-ke jýyq túıeler men attar kerýeni Astanadaǵy «EKSPO-2017» halyqaralyq kórmesine jol...
Taraz qalasynan shyqqan avtokólikter men avtobýstar ilesken 70-ke jýyq túıeler men attar kerýeni Astanadaǵy «EKSPO-2017» halyqaralyq kórmesine jol tartty, dep habarlaıdy Qamshy aqparattyq agenttigi.
«Kóne Taraz» tarıhı-arheologııalyq kesheni janyndaǵy Jambyl Jabaev alańynan bastalǵan sapar Astanaǵa jol tartty. «Uly Jibek joly. Kóne Tarazdan asqaq Astanaǵa tartý» dep atalatyn mádenı sapardy qala turǵyndary men qonaqtary súısine tamashalady.
Atalmysh shara «EKSPO-2017» halyqaralyq mamandandyrylǵan kórmesi men 26-30 shilde kúnderi Astana qalasynda ótetin Jambyl oblysynyń mádenı kúnderi aıasynda ótkizilmekshi.
Kerýen 25 júk artylǵan túıe, 46 at jáne aıdaýshylary, 10 júk mashınasy, 3 avtobýstan turady. Oblystyń mádenı kúnderine qatysý úshin Astanaǵa mádenıet qyzmetkerleri, dárigerler, JP jáne TJ qyzmetkerlerinen turatyn 150 adam attandy.
Kerýen Jambyl jáne Qaraǵandy oblystarynyń 10 eldi mekenderinde aıaldama jasap, kıiz úıler men shatyrlar qurýdy josparlap otyr. Sondaı-aq, «EKSPO-2017» halyqaralyq kórmesin qoldaýǵa arnalǵan merekelik sharalar uıymdastyrylmaqshy. Turǵyndarǵa konserttik baǵdarlamalar, teatrlandyrylǵan qoıylymdar usynylady. Ulttyq sport túrleri boıynsha sporttyq sharalar ótkiziledi.
Kerýen elordaǵa at basyn tiregen soń kórme kesheni aýmaǵynda Jambyl oblysynyń mádenı kúnderi ótedi. Budan bólek, bes kún boıy qala turǵyndary jáne qonaqtarynyń nazaryna M.Gorkıı atyndaǵy memlekettik akademııalyq dramalyq orys teatry sahnasynda, «Jastar» teatry, «Han Shatyr» oıyn-saýyq ortalyǵynyń alańynda kórmeler, teatrlandyrylǵan qoıylymdar, konserttik baǵdarlamalar usynylady.
Al, 28 shilde kúni «Qazanat» ıppodromyndaǵy etnoaýylda dástúrli ónerdiń áralýandyǵyn kórsetetin «Shyǵys bazary», qolóner jáne sándik-qoldanbaly buıymdardyń jármeńkesi uıymdastyrylyp, EKSPO qonaqtaryna Uly Jibek joly ortalyqtarynyń biri bolǵan ejelgi Taraz qalasynyń tarıhy tanystyrylady.
Sholýshy: Gúlim Jaqan
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir