Bizdiń qazaqta oıyn-saýyqtan basqa ermek qalmaǵan ba?..

Meni onsyz da tym toıshyl, saýyqshyl «qazaǵymyzdy myna  merekede de synaýdy qoımaıtyn netken jan» dep sógersizder?

Biraq úndemeı qala almadym. Tań atqaly ekrannan amalsyz kórgenderimniń ózi qatty sharshatyp jiberdi...

Búgin Qazaqstan(tek «Qazaq» emes) telearnalary ádettegilerinen de asyra oıyn-saýyq, saıqymazaq, dámsiz, nársiz telehabarlarymen kórermenderiniń mıyn azan-qazan jasaýda...

Bul ne degen qaptaǵan konsertter, onda ıintiresip otyrǵan kórermender, tolyp jatqan fonogrammamen ǵana ótirik án salatyn ánshisymaqtar, solardyń ótirik tek aýyz ǵana jybyrlatyp turǵandaryn bilse de, bilmegen syńaı tanytyp, uıyı tyńdaǵan qazaq kórermenderin qalaı túsinýge bolady?

Ana aýzy-bastaryn qısańdatqysh, aýyzdaryna kelgenderin aıta salǵysh,  bitpeıtin saıqymazaq kloýndar, tańnyń atysy, kúnniń batysy Qazaqstan telearnalary men konsert zaldaryn bermeıtindigi belgili. Osylardyń aýyzdaryna kelgenderin aıtqanyna ishek-sileleri qata kúletin bizdiń saýyqshyl kórermenderdi túsinýden qaldym. Basqasyn aıtpaǵan da, qazir qazaqtyń nesine jetisip kúletinine de túsinýden qaldym. Ana yrjańdaǵan Qoıanbaevtar men Qabatovtar jáne t.b. jyrtylyp, aırylatyn saıqymazaqtardan sharshamaıtyn ne degen kónteri, talǵamsyz jandar edik?

Bulardy qolpashtatyp qoıǵan qandaı «myqtylar» boldy eken?

Sońǵy kezde telehabarlardy negizinen áıel adamdar ǵana kóptep júrgizetin bolǵany da, ótirik pe?

Sonda telejýrnalıst qazaq jigitteri qaıda ketken?

Qoryta aıtqanda, bizdiń qazaqta oıyn-saýyqtan basqa ermek qalmaǵan ba ózi?..

Jumash Kókbóri