KHDR-dyń oq-dárileri soǵystyń 2 aptasyna ǵana jetedi

KHDR súńgýir qaıyqtardy jáne júz myńdaǵan artıllerııa men áskerlerin synaqtan ótkizý arqyly ózderiniń qarýly kúshteriniń shamasyn kórsetkisi keledi dep habarlaıdy burynǵy AQSh áskeriniń Financial Times-qa bergen saraptamasynda.

Qazirgi tańda koreı qarýly kúshteri álemdegi iri qarýly kúshter qatarynda jáne ásker sany 1mılıonnan asady. Degenmen, kóptegen zertteýler nátıjesinde, KHDR-nyń áskerı salasynda AQSh pen onyń odaqtastaryna qarsy turýǵa kóptegen máseleler týyndap, múmkindik bermeı jatady. Mysaly: janar-jaǵarmaı jetispeýshiligi nemese eski tehnıkalar.

Egerde koreı halyq armııasy soǵysa qalsa, otyz kún ishinde olardyń suıyq otyn túri men oq-dárileri sarqylǵan bolar edi. « Men kórgen áskerı jabdyqtardy alar bolsaq, tipti 2 aptaǵa jetpesi anyq», -deıdi saraptaýshy basylymǵa.

Phenıannyń habarlaýynsha ózderinde 8600 artıllerııalyq bólimshe, 5500 oq tumsyqtar júıesi jáne 4300 tank bar. Degenmen, Ońtútik Koreıa qarýly kúshteriniń aqparynsha, olardyń áskerı tehnıkasynyń negizgi bóligi KSRO men Qytaıda «qyrǵı-qabaq» soǵysy kezinde shyǵarylǵan. Soltústik Koreıa kóshbasshysy Kım Chen Yn óz armııasynyń barlyq osal tustarymen tanys bolǵandyqtan, AQSh-pen qarym-qatynasta tejeý strategııasyn paıdalanýda.