Arab qyzdary alǵashqy neke túninen nelikten qorqady?

Alǵashqy neke túnindegi qarym-qatynastan qyzdardyń qorqýy qalypty qubylys dep jazady Qamshy aqparattyq agenttigi. Keıbir qoǵamdarda qyzdyń nekege deıin pák bolýyn asa mańyzdy sanap, qadaǵalap otyrady.  Sondaı qoǵamdardyń qatarynda arabtar da bar. Arab qyzdary turmys qurǵannan keıin qorqynyshty áli kúnge deıin sezinip  júr. Aıta ketetin bolsaq, arabtarda neke túninen keıin qyz pák bolǵanyn tekserý úshin jigittiń jeńgesi nemese anasy bólmege kelip, tósek tystaryn qaraıdy. Osy jaǵdaı da arab qyzdarynyń qorqynyshyna sebep bolatyn shyǵar.

Alǵashqy neke túnindegi jynystyq qarym-qatynastan qorqatyn qyzdarǵa ataqty egıpettik maman Hebe Kotb óz keńesin jeke saıty arqyly aıtyp, kómegin tıgizýde.

«Men jaqynda  turmysqa shyǵamyn. Biraq maǵan alǵashqy neke túnindegi jynystyq qarym-qatynas óte qaýipti bolyp kórinedi. Men jynystyq qarym-qatynas kezindegi aýyrsynýdan qorqamyn. Men ózimdi jáne kúıeýimdi qanaǵattandyrý úshin ne isteýim kerek?»,- dep jazady saıt qoldanýshysy.

«Eń bastysy jynystyq qarym-qatynas adamǵa qaýipti jáne qatty aýyrsyný týdyrady degen qaǵıdany quptamaımyn. Sen bul qatynas ózgeshe romantıkalyq kúıde ótetindigin túsinýiń kerek. Bul aısbergtiń shyńy sekildi bul qarym-qatynas kezinde qınalýdy da, súıispenshilikti de, yntyqtyq pen mahabbatty da sezine alasyń. Atalǵan qarym-qatynas áıeldiń aǵzasyna túrli ózgerister ákeletini belgili. Biraq bul áıel aǵzasyna keri áserin tıgizedi degendi bildirmeıdi»,- dep túsindirdi seksolog dáriger Hebe Kotb.

Al er adamdy qanaǵattandyrý úshin Hebe Kotb eki túrli ádisti usynady. Onyń alǵashqysyn rýhanı jaǵynan, kelesisin ǵylymı jaǵynan túsindirýge bolady eken. Rýhanı ádistiń basty belgisi nekeden keıingi qarym-qatynas kezinde, ómirde súnnet bolǵan amaldardy oryndaý. Al ǵylymı ádiske  neke túninde ǵylymı dáleldengen túrli tásilderdi qoldaný jatady.

«Eń bastysy neke túnindegi atalǵan bul qatynas óte qaýipti jáne túrli aýyrsynýdy sezinesiń degen qaǵıdany joıý kerek»,-  dep túıindeıdi Habe Kotb.