«Kryshasy» bar «ákimııattyń qyzy» ustaldy

Osydan bir apta buryn áleýmettik jelide halyqty dúrliktirgen vıdeo tarady. Qolynda temekisi bar boıjetken jol-kólik oqıǵasyna túsken azamattar arasyndaǵy janjaldy sheshý barysynda «kryshasy» bar ekenin, ákimshilikte jumys isteıtinin aıtqan bolatyn. Atalǵan oqıǵa boıynsha tekserý jumystary aıaqtalyp, mán-jaı anyqtaldy dep habarlaıdy Qamshy  aqparattyq agenttigi patrul.kz-ke silteme jasap.

Almaty oblysy, Talǵar aýdany ákimshilik apparatynyń meńgerýshisi Ahmet Áshimahyn bolǵan jáıtke túsinikteme berdi. Meńgerýshiniń aıtýy boıynsha oqıǵa oryn ala sala, boıjetkenniń kim ekeni anyqtalyp, ákimshilik apparatynda tekserý júrgizilgen. Nátıjesinde, 23  jasar Saltanattyń atalǵan mekemede tanys-tamyry joq bolyp shyqqan. Túsinikteme berý barysynda Saltanat oryn alǵan jol-kólik oqıǵasynyń áserinen qatty qorqynysh seziminde(shok) bolyp, ne istep ne qoıǵanyn bilmegenin jetkizdi. Belgili bolǵandaı, boıjetken kópbalaly, qarapaıym otbasynan shyqqan. Talǵar aýdandyq ákimshilik bólimsheleriniń birinde eki jyl jumys istegen soń, jekemenshik mekemege jumysyn aýystyrǵan. Odan beri, memlekettik qyzmetke esh qatysy bolmaǵan.

Saltanat halyqtan kóz jasyna erik bere otyryp keshirim surap, memlekettik qyzmetkerlerge kúmán týdyryp, ábirgerge salǵany úshin ókinetinin aıtty. Boıjetken halyq túsinistikpen qarap, keshirim beredi dep úmittenedi.