Qaıyrymdylyq qorynyń basshysy 30 mıllıon teńge jymqyrǵan

Aqtóbede múgedek balalarǵa arnalǵan aqshasyna basshylary qol salǵan. Emdeý úshin elden aqsha jınap, artynan erekshe balalardyń ata-analaryn aldap ketipti. Shetelge aparyp emdetpek túgili, túrli syltaý aıtýmen júrgen.

Aqtóbelik Temirhan Arýn balasynyń Almatyda 11 hımııa terapııasynan ótkenin aıtty. Alaıda qor emge kerek qalǵan aqshany bermeı qoıǵan.

- Almatyda 11 hımııa terapııasynan óttik. Odan Máskeýde óttik. Sodan byltyr qyrkúıek aıynda "More laıfqa" habarlasyp, kómek suradyq, osylaı balamyzdy shetelge aparýǵa degen. Biz bes kúnde 5 mıllıon jınap tapsyrdyq. Ol aqshanyń tek bizge jumsaǵany 230 myń teńge. Astanaǵa baryp-kelýge jumsaldy. Qalǵan aqshanyń bir teńgesin de qaıtarǵan joq, – dedi Temirhan Arýn.

- Tek ata-analardan vıdeo úndeý jazdyryp, balalardy sýretke túsirip alady. Eń qyzyǵy, aqshany múgedek balanyń otbasy ózi jınap, ony qolma-qol qorǵa 5 mıllıonǵa tolǵanda berip otyrady. Aqyry sheteldegi em de joq, aqsha da joq, aldap ketedi. Qazir qaıyrymdylyq qorǵa qatysty alty ata-ana aryz jazǵan. Qor basshysy qamaýǵa alyndy. Keltirgen shyǵyn – 30 mıllıon teńge. Quzyrly organdaǵylar zardap shekkender odan da kóp bolýy múmkin deıdi. 

Al Aqtóbe prokýrorynyń orynbasary Nurlan Qaldyǵojın tergeý áreketteri júrgizilip jatqanyn aıtty.

- Tergeý áreketteri bastalyp ketti. Sonymen qatar keshe, ıaǵnı 16 sáýir kúni osy qaıyrymdylyq qordyń jetekshisi Qylmystyq prosestik kodekstiń 128 babyna sáıkes ýaqytsha ustaý ızolıatoryna qamaldy. Oǵan qatysty kúzetpen ustaý túrindegi bultartpaý sharasyn qoldaný máselesi sheshilip jatyr, – dedi Nurlan Qaldyǵojın.