Foto: Ashyq derekkóz
Air Astana kompanııasyna árbir áýe bıletinen janarmaı alymyn negizsiz jınaǵany úshin 6,7 mlrd teńge aıyppul salyndy, dep habarlaıdy Básekelestikti qorǵaý jáne damytý agenttigi.
Agenttik kólik prokýratýrasy organdarymen birlesip, Air Astana qyzmetine tekseris júrgizgen. Oǵan halyqtyń áýe bıletteri baǵasynyń úzdiksiz, ásirese jazǵy demalys kezinde ósýine qatysty shaǵymy sebep boldy.
"Tekseris qorytyndysy boıynsha Air Astana-nyń avıatasymal naryǵyndaǵy ústem jaǵdaıdy teris paıdalaný faktileri áshkere bolyp, árbir áýe bıletinen janarmaı alymyn negizsiz alǵany anyqtaldy", - delingen habarlamada.
2023 jylǵy 8 maýsymda Almaty qalasynyń ákimshilik quqyqbuzýshylyqtar jónindegi mamandandyrylǵan aýdanaralyq soty Air Astana-ǵa 6,7 mlrd teńge ákimshilik aıyppul saldy. Sot sheshimi zańdy kúshine engen joq.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir