BQO-da Bókeı handyǵynyń 220 jyl tolýyna oraı mádenı-sporttyq sharalar ótti

22-23 qazan kúnderi Han ordasy aýylynda QR Táýelsizdiginiń 30 jyldyǵy aıasynda Bókeı handyǵynyń 220 jyl tolýyna oraı mádenı-sporttyq sharalar ótti. Jınalǵan qaýym aldymen Bısen Jánekeshev, Mánshúk Mámetova jáne Uly Otan soǵysyna sarbazdarynyń eskertkishterine gúl shoqtaryn qoıyp taǵzym etti.

Odan soń saltanatty jıyn bastaý alyp, aýdan ákimi Nurlybek Daýmov barsha bókeılikterdi aıtýly kúnmen quttyqtap, ıgi tilekterin arnap, alys-jaqynnan kelgenmeımandarǵa qosh keldińiz aıtty. О́z kezeginde BQO ákiminiń orynbasary Baqytjan Narymbetov oblys basshysy Ǵalı Isqalıevtiń quttyqtaýyn jetkizdi. Sonymen qatar Jánibek, Kaztalov, kórshiles Reseı Federasııasynyń Pallasovka aýdany, Valerıı Chkalov atyndaǵy áskerı polıgonnyń ókilderi de lebizderin bildirdi. Aıta ketelik, jıyn barysynda aýdanymyzdyń ekonomıkalyq áleýetiniń damýyna súbeli úles qosqan, qoǵamdyq ómirde belsendiligimen tanylǵan birqatar jerlesterge "Qurmetti azamat" belgisi tabys etildi.

Atalmysh sharanyń resmı bóligi budan ármen "Orda-týǵan mekenim" atty merekelik konsertpen jalǵasty. Han ordasy mýzeı qoryǵynda H. Bókeeva atyndaǵy oblystyq drama teatr ujymy uıymdastyrǵan arnaıy kórinis te kórermenge zor áser syılady. Kesh sońy turǵyndarǵa arnalǵan halyq serýenimen aıaqtaldy.

Bókeı handyǵynyń 220 jyldyǵyna arnalǵan shara ekinshi kúni dala qyzyqtarymen aıshyqtaldy. Sondaı-aq, aýylsharýashylyq kórmesi ótkizilip, taı, alaman báıge jáne t. b ulttyq sport túrlerinen jarystar ozdyryldy.