• USD 424.85

  • EUR 504.21

  • RUB 5.84

  • CNY 65.86

24 Qazan, 18:23:44
Almaty
+7°

Nur-Sultan qalasyndaǵy Ulttyq akademııalyq kitaphanada senat tóraǵasy Máýlen Áshimbaevtyń qatysýymen "Azattyq jolyndaǵy aqtańdaqtar: asharshylyq zardaptaryna shynaıy tarıhı kózqaras" taqyrybyna arnalǵan dóńgelek ústel ótti. Is-shara barysynda otandyq jáne sheteldik ǵalymdar qazaq dalasyndaǵy asharshylyqtyń zardaby, sebebi men saldary týraly pikir bildirip, osy baǵyttaǵy máselelerdi talqylady.

Senat spıkeri Máýlen Áshimbaev asharshylyq taqyrybyn saıasılandyrmaı, oǵan ǵylymı turǵydan qaraýdyń mańyzdy ekenin aıtty.

– Alapat asharshylyq – eshkimdi beıjaı qaldyrmaıtyn taqyryp. Sondyqtan osy náýbetke qatysty qoǵamda sanalýan pikir qalyptasqany belgili. Degenmen, biz, birinshi kezekte, ǵylymı kózqarasqa basymdyq berýimiz kerek. Sebebi, halqymyzǵa asharshylyqtyń ashy aqıqatyn ǵalymdarymyz ǵana ashyp, dáleldi túrde jetkize alady, – dedi Máýlen Áshimbaev.

Ol úshin tıisti arhıv derekterine qol jetkizý, olardy júıeleý jáne muqııat zerdeleý, óńirlermen jáne ondaǵy asharshylyq taqyrybyn zerttep júrgen ǵalymdarmen tyǵyz baılanys ornatý, kórshiles elderdiń arhıv materıaldarymen jiti tanysý, "ǵasyr náýbeti" kýágerleriniń túrli estelikterin jınaqtaý qajet ekenine nazar aýdardy.

Senat tóraǵasy óz sózinde 30-jyldardaǵy asharshylyq sol tustaǵy Keńes Odaǵyndaǵy elderdi tutas sharpyǵanyn, sondyqtan muny belgili bir ultqa jasalǵan qylmys dep qarastyrýǵa kelmeıtinin jetkizdi.

– Qazaqstanmen qosa, Ýkraına, Belarýs, Moldova, Reseıdiń birneshe aımaǵy, onyń ishinde Edil boıy, Soltústik Kavkaz halqy ashtyqqa ushyrady. Ǵalymdardyń málimetine súıensek, 30-jyldardaǵy ashtyqta Keńes Odaǵynda jeti mıllıonnan astam adam kóz jumǵan. Osy turǵydan alǵanda, ashtyqty belgili bir ultqa qarata jasalǵan qylmys dep aıtýǵa kelmeıtin shyǵar. Bul – eń aldymen, sol kezdegi bılik júıesiniń qate saıasatynyń aýyr saldary, – dedi Máýlen Áshimbaev.

"Qamshy" silteıdi
Ilmek sózder: asharshylyq

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir