10 Qańtar, 2021 Foto-arhıv
Foto: qamshy.kz
Parlament májilisi saılaýyna boıkot jarııalaǵan azamattyq belsendi Janbolat Mamaı men onyń jaqtastary Almatydaǵy respýblıka alańy mańynda mıtıng ótkizip jatyr. Qamshy tilshisi mıtıngten arnaıy fotoreportaj daıyndady.
Alańǵa shyqqan mıtıngshiler "Oıan, qazaq!", "Darıǵa bılikke kelmesin!", “Jer sheteldikterge berilmesin!" dep urandatty.
Janbolat Mamaıdyń jaqtastaryna qarsy urandatqan belgisiz top ókilderi boldy. Olar "Táýelsizdikti Nazarbaev alyp berdi", "Mamaı satqyn", "Tynyshtyqty buzbańdar" dep urandatty.
Aty-jónin ataýdan bas tartqan "jastardyń atynan kelip turmyn" degen belgisiz adam narazy topqa qarsy sóılep, "elge tynyshtyq keregin" aıtty.
Áldekimder alańǵa kolonka ákep, qazaq estrada ánshileriniń ánderin qoıdy. Sonyń saldarynan sherýshilerdiń daýsy durys estilmedi.
Alańǵa kelgen "Oyan, Qazaqstan" qozǵalysynyń múshelerin de arnaıy jasaq qorshap turdy. Olardyń qolynda "Ne molchı. Protestýı. Govorı gromche", "VyVory 2021" degen plakattar boldy.
Mıtıng ótip jatqan alańǵa el ishinde "Amantaı qajy" atalyp ketken Amantaı Hantemiruly kelip, "dúnıede tynyshtyq bolsyn... Nazarbaev halyqqa aqshasyn qaıtarsyn! Ol halyqqa qaryz! Biraq elge soǵys kerek emes!" dedi.
Alań men sol jerge jaqyn mańaıda uıaly baılanys nashar bolyp, ınternet múldem istemedi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir