22 Naýryz, 2015 NEWS О́zgertý

El toıy, marapattaý: "Qazaq handyǵyna 550 jyl"

«Qamshy» portaly uıymdastyrǵan «Qazaq handyǵyna 550 jyl» shyǵarmashylyq báıgesi máresine jetti. Osyǵan oraı 30 naýryzda Almatydaǵy M.Áýezov atyndaǵy Qazaq...

«Qamshy» portaly uıymdastyrǵan «Qazaq handyǵyna 550 jyl» shyǵarmashylyq báıgesi máresine jetti. Osyǵan oraı 30 naýryzda Almatydaǵy M.Áýezov atyndaǵy Qazaq memlekettik akademııalyq drama teatrynda merekelik konsert ótedi. Oqyrman tarazysyna salynǵan shyǵarmalar ádil-qazylardyń bezbenine tústi. Júldegerler aldaǵy aptada anyqtalady. «Alashuly» toby bas bolyp tizginin ustap otyrǵan merekelik konsertke Ramazan Stamǵazıev, Janbolat pen Jazıra, Móldir Áýelbekova, Qońyr toby, О́mirqul Aınııazov, Turan toby, Ashat Tarǵynov, Bıbigúl Qılymhan, Arqaıym toby, t.b. óner juldyzdary qatysady.

Naýyryz - qazaqtyń tól jańa jyly. Kún men tún teńelip, dala nurǵa bólenip, oń men solǵa, ótken men keleshekke kóz jiberetin mezgil. Zymyraǵan ýaqyt pen zamana kóshi keı keıde Qazaq táýelsizdigin syn saǵatqa ákele jatqandaı kúı keshemiz. Osyndaıda halyqtyń sózin sóılep, isin istep kele jatqan azamattardy baǵalaı bilgenimiz jón. Táýelsiz «Qamshy-aqparat» qoǵamdyq qory ultyna adal qyzmet etip kele jatqan sondaı bir top azamatty «Qazaq handyǵyna 550 jyl» medalimen, arnaıy alǵys hatpen marapattaýdy uıǵardy.

Olar:

1. Abzal Quspan, zańger

2. Darhan Qydyráli, Túrki akademııasynyń Prezıdenti

3. Aıdos Sarym, saıasattanýshy

4. Baýyrjan Ospanov, mesenat

5. Berik Ýálı, OQO Ishki saıasat basqarmasynyń bastyǵy

6. Rasýl Jumaly, saıasattanýshy

7. Muhtar Taıjan, kásipker

8. Erlan Qarın, saıasattanýshy, Qazaqstan strategııalyq zertteýler ınstıtýtynyń dırektory

9. Ámirjan Qosanov, saıasatker

10. Nurtaı Sábılııanov, májilis depýtaty

11. Jarylqap Qalybaı, "Juldyzdar otbasy", "Ańyz adam" jýrnaldarynyń Bas redaktory

12. Dos Kóshim, "Ult taǵdyry" qoǵamdyq qozǵalysynyń jetekshisi

13. Sáken Maıǵazıev, ánshi, "Mýzart" tobynyń múshesi

14. Bolat Múrsálim, jýrnalıst, 31 arna jańalyqtar bóliminiń jetekshisi

15. Qasym Amanjol, jýrnalıst

Árıne, Qazaq eline ushan-teńiz qyzmet atqaryp jatqan oǵlandar jeterlik. Degenmen, "Bizdiń eldiń jigitterin" tolyq marapattaýǵa shaǵyn qordyń múmkindigi az. Sondyqtan bul marapattaýdy aldaǵy kúnderde jalǵastyramyz. Shyǵarmashylyq báıge júldesi men "Qazaq handyǵyna 550 jyl" medali 30 naýryzda Qazaq memlekettik akademııalyq drama teatrynda tabystalady. Ulys oń bolsyn!!! qamshy.kz - "Qamshy-aqparat" qoǵamdyq qory ("Qazaq handyǵyna 550 jyl" medalyna músinshi Rınat Ábenovtiń jobasy men Qazaq handyǵy týynyń nobaıy paıdalanyldy)

Bilal Quanysh

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir