Tájikstan Qazaqstanǵa gýmanıtarlyq kómek jiberdi

Saryaǵashta sý tasqynynan zardap shekken turǵyndarǵa gýmanıtarlyq kómek tapsyryldy. Gýmanıtarlyq kómekti Tájikstan Tótenshe jaǵdaılar komıtetiniń basshysy Abdýhalım Nazarzoda ózi tapsyrǵan.

"Gýmanıtarlyq kómek retinde Dúshanbe men Hýdjandtan azyq-túlik, aýyz sý, qurylys materıaldary men úılerdiń shatyryn qamtıtyn, jalpy salmaǵy 3,5 myń tonnany quraıtyn 61 vagon men 13 júk kóligi jóneltildi"- delingen Tájikstan TJK habarlamasynda.

Qazaqstan tótenshe jaǵdaılar mınıstriniń birinshi orynbasary Tájikstanǵa alǵysyn bildirdi.