Bıshimbaev pen Núkenovanyń nekesin qıǵan ımam jazalandy

Eks-mınıstr Qýandyq Bıshimbaev pen Saltanat Núkenovanyń nekesin qıǵan ımam jazalanatyn boldy. Bul týraly múftııattyń baspasóz hatshysy Aǵabek Qonarbaıuly áleýmettik jelidegi paraqshasynda jazdy. 

"QR neke týraly zańynda tek memlekettik organdar ǵana moıyndalatyny belgilengen. Sondyqtan QMDB tártibine sáıkes meshit qyzmetkerleri neke qımas buryn bolashaq erli-zaıyptylardan Azamattyq hal aktilerin tirkeý (AHAT) bólimine tirkelgenin rastaıtyn kýálik talap etedi. Al atalǵan azamattardan AHAT bólimine tirkelgenin rastaıtyn kýálikti tabandy túrde talap etpegen, ıaǵnı QMDB-nyń ishki jumys tártibin buzǵan Respýblıkalyq bas meshit ımamy Q.Qydyrmınge tártiptik shara qoldanylyp, eskertý jasaldy", - dedi ol.

Eske sala keteıik, 2022 jyldyń 17 qazanynda Astana qalasyndaǵy Respýblıkalyq bas meshitte Bıshimbaev pen Núkenova óz ótinishteri boıynsha neke qıdyrǵan. AHAT bólimine tirkelgenin rastaıtyn kýálik talap etilgende "jasalyp jatyr" dep jaýap bergen. Ata-analarynyń batasyn alǵanyn aıtyp, salt-dástúr jolymen nekelerin qıyp berýin ótingen.